ගුවන් හමුදාපතිතුමන් ආරක්ෂක අමාත්‍යාංශයේ ලේකම්වරයා හමුවෙති
නික්ම යන ගුවන් හමුදාපති එයාර් මාර්ෂල් සුදර්ශන පතිරණ මහතා සිය ආර්යාව වන චාමිණි පතිරණ මහත්මිය සමඟ ඊයේ (2023 ජූනි 28) අමාත්‍යාංශ පරිශ්‍රයේදී ආරක්ෂක අමාත්‍යාංශයේ ලේකම් ජෙනරාල් කමල් ගුණරත්න (විශ්‍රාමික) හමුවිය.
කෙටි සාකච්ඡාවකින් අනතුරුව එයාර් මාර්ෂල් සුදර්ශන පතිරණ මහතා තම ධුර කාලය තුළ ලබාදුන් මගපෙන්වීම සහ සහයෝගය වෙනුවෙන් සිය කෘතඥතාව පළ කළ අතර එම අවස්ථාව සනිටුහන් කරමින් ආරක්ෂක ලේකම්වරයා වෙත සමරු තිළිණයක් ද ප්‍රදානය කළේය. (විශ්‍රාමික) ජෙනරාල් කමල් ගුණරත්න විසින් එයාර් මාර්ෂල් පතිරණ වෙත සමරු තිළිණයක් ද ප්‍රදානය කළ අතර, ජාතිය වෙනුවෙන් ඔහු කළ කැපවීම සහ කීර්තිමත් සේවය අගය කරන ලදි
