කොළඹ ශ්‍රී ලංකා ගුවන් හමුදා කොළඹ කඳවුරේ දන්ත වෛද්‍ය රෝහල 2023 අගෝස්තු 01 වන දින 9 වන සංවත්සරය සමරන ලදී. සංවත්සර දින සැමරුම චාරිත්‍රානුකූල වැඩ පෙළපාලියකින් ආරම්භ වූ අතර 2023 අගෝස්තු 02 වන දින අණදෙන නිලධාරී ගෲප් කැප්ටන් පීවීබී දිසානායක විසින් සමාලෝචනය කරන ලදී.පෙළපාලිය ඇමතූ අණදෙන නිළධාරීතුමන් විසින් රෝහලේ ආරම්භයේ සිටම එහි සංවර්ධනයට දායක වූ අතීත දන්ත වෛද්‍ය නිලධාරීන්, දන්ත රෝහල් කාර්ය මණ්ඩලය සහ සිවිල් පුද්ගලයින් ඇගයීමට ලක් කරන ලදී. මීට අමතරව, විශේෂයෙන් රටේ වසංගතය සහ අභියෝගාත්මක තත්ත්වය තුළ රෝහලේ වත්මන් සංවර්ධනය සඳහා ඔවුන්ගේ කැපවීම සහ සක්‍රීය දායකත්වය වෙනුවෙන් වත්මන් කාර්ය මණ්ඩල සාමාජිකයින්ට ඔහු සිය කෘතඥතාව පළ කළේය.

මෙම සැමරුම් උත්සවයට සමගාමීව 2023 ජූලි 31 වන දින බොරැල්ල තනිනායගම් විද්‍යාලයේ "ශ්‍රමදාන" ව්‍යාපාරයක්, 2023 අගෝස්තු 02 දින දන්ත රෝහල් පරිශ්‍රයේ  "ධර්ම දේශනාවක්" සහ 2023 අගෝස්තු 03 වන දින සිවිල් කාර්ය මණ්ඩලය ඇතුළු දන්ත රෝහල් කාර්ය මණ්ඩලය අතර ක්‍රිකට් තරඟාවලියක් බොරැල්ල බන්ධනාගාර ක්‍රීඩාංගනයේ පවත්වන ලදී.