47 වැනි ජාතික වයස් කාණ්ඩ කිමිදුම් ශූරතාවලිය – 2023 ශ්‍රී ලංකා ජල ක්‍රීඩා සංගමය විසින් සංවිධානය කරන ලද අතර එය 2023 අගෝස්තු 05 සහ 06 යන දිනයන්හිදී කොළඹ සුගතදාස ක්‍රීඩාංගණයේ පිහිනුම් තටාක සංකීර්ණයේදී පැවැත්විණි. ජාතික වයස් කාණ්ඩ කිමිදුම් ශූරතා ඉතිහාසයේ ශ්‍රී ලංකා ගුවන් හමුදාවේ සමාරම්භක නියෝජිතයා ලෙස ගුවන් නියමු නිලධාරී ඉසිවරුණ ද සිල්වා තම නම සනිටුහන් කළේය. මීටර් 3 ස්ප්‍රින් බෝඩ්, මීටර් 1 ස්ප්‍රින් බෝඩ් සහ වේදිකා යන ඉසව් ඔස්සේ පිළිවෙළින් රිදී පදක්කම් තුනක් ලබා ගැනීම තුළින් ඔහුගේ සුවිශේෂී දස්කම් පෙන්නුම් කරන ලදී.