ගිනි නිවීමේ පුහුණු පාසල සහ ගිනි ටෙන්ඩර් නඩත්තු බලඝණය  සිය 07 වන සංවත්සරය 2023 අගෝස්තු 27 වන දින සමරන ලදී. ගිනි නිවන භටයින් සඳහා පුහුණු කිරීම සහ වාහන සහ පොම්ප අළුත්වැඩියා කිරීම සහ නඩත්තු කිරීම ප්‍රධාන අරමුණක් ඇතිව 2016 වසරේ කටුනායක ගුවන් හමුදා කඳවුරේදී ගිනි නිවීමේ පුහුණු පාසල සහ ගිනි ටෙන්ඩර් නඩත්තු බලඝණය ස්ථාපිත කරන ලදී. මීට අමතරව, මෙම බලඝණයේ අළුත්වැඩියා සහ සංවර්ධන අංශය ප්‍රථමාධාර ගිනි උපකරණ  අලුත්වැඩියා කිරීම, නඩත්තු කිරීම සහ නැවත පිරවීම යන කටයුතු සිදු කරයි.

සංවත්සරයට සමගාමීව 2023 අගෝස්තු 27 වන දින ශ්‍රී ලංකා ගුවන් හමුදා කටුනායක කඳවුරු අණදෙන නිළධාරී එයාර් කොමඩෝර් එස්ඩීජීඑම් සිල්වා ඇතුලු ගුවන් හමුදා කටුනායක කඳවුරේ නිළධාරීන් සහ අනෙකුත් නිලයන් ගේ සහභාගීත්වයෙන් සංවත්සර දිනය සැමරීම සනිටුහන් කරන ලදී.

සංවත්සර උත්සවයට අදාළව මිනුවන්ගොඩ මහ රෝහලේදී ශ්‍රමදාන ව්‍යාපාරයක්, ගිනි නිවීමේ වැඩසටහනක් සහ ගිනි නිවාරණ පරීක්‍ෂණයක් ද පවත්වන ලදී.