ආරක්ෂක සේවා වෙඩි තැබීමේ ශූරතාවලිය 2023 සැප්තැම්බර් 19 වන දින සිට 2023 සැප්තැම්බර් 23 වන දින දක්වා වලිසර ගැමුණු ශ්‍රී ලංකා නාවික හමුදා වෙඩි පිටියේදී පවත්වන ලද අතර සම්මාන ප්‍රදානෝත්සවය වැලිසර ශ්‍රී ලංකා නාවික හමුදාවේ ගැමුණු මීටර් 10 ගුවන් අවි  වෙඩි පිටියේදී පැවැත්විණි.

මෙහිදී ගුවන් හමුදා වෙඩි තැබීමේ කණ්ඩායම ආරක්ෂක සේවා වෙඩි තැබීමේ ශූරතාවලියේ පිරිමි ශූරතාව දිනා ගනිමින් සිය වෙඩි තැබීමේ දක්ෂතාව පෙන්නුම් කරන ලදී.

ගුවන් හමුදා පිරිමි වෙඩි තැබීමේ කණ්ඩායම රන් පදක්කම් 7ක්, රිදී පදක්කම් 6ක් සහ ලෝකඩ පදක්කම් 3ක් දිනා ගනිමින් 2023 ආරක්ෂක සේවා වෙඩි තැබීමේ පිරිමි ශූරතාව දිනා ගැනීමට සමත් විය. ගුවන් හමුදා කාන්තා කණ්ඩායම රන් පදක්කම් තුනක්, රිදී පදක්කම් තුනක් සහ ලෝකඩ පදක්කම් 1ක් දිනා ගැනීමට සමත් විය.

මෙම අවස්ථාවට ප්‍රධාන ආරාධිත අමුත්තා ලෙස ශ්‍රී ලංකා නාවික හමුදාවේ නියෝජ්‍ය මාණ්ඩලික ප්‍රධානී රියර් අද්මිරාල් ප්‍රදීප් රත්නායක සහභාගී වූ අතර ගුවන් හමුදා වෙඩි තැබීමේ සම්මේලනයේ සභාපති, ගොඩබිම් මෙහෙයුම් අධ්‍යක්ෂ ජනරාල් එයාර් වයිස් මාර්ෂල් වරුණ ගුණවර්ධන, ගෲප් කැප්ටන් උදිත පියසේන, ගුවන් හමුදා වෙඩි තැබීමේ සම්මේලනයේ ලේකම්, බලඝණ නායක මනෝජ් විජේවික්‍රම යන මහත්වරු මෙම අවස්ථාවට සහභාගී වූහ.