2023 අන්තර් ඒකක රග්බි ශූරතාවලිය රත්මලාන රග්බි පිටියේදී 2023 ඔක්තෝබර් 13 වන දින පැවැත්විණි. එහි ත්‍යාග ප්‍රදානෝත්සවයද එම ස්ථානයේදීම සිදු වූ අතර ප්‍රධාන ආරාධිත අමුත්තා ලෙස ගුවන් හමුදා  මෙහෙයුම් භූමි අධ්‍යක්ෂ ජනරාල් එයාර් වයිස් මාර්ෂල් ජී.ජී.ඩබ්ලිව්.ටී.කේ ගුණවර්ධන මහතා සහභාගී විය.

ශ්‍රී ලංකා ගුවන් හමුදා කොළඹ කඳවුරු රග්බි කණ්ඩායම 2023 වසර සඳහා පිරිමි ශූරයන් ලෙස ශූරතාව දිනා ගන්නා ලදී. ගුවන් හමුදා රත්මලාන කඳවුර කාන්තා අංශයේ ශූරතාව දිනාගත් අතර ශ්‍රී ලංකා ගුවන් හමුදා කොළඹ කඳවුර අනුශූරතාව දිනා ගන්නා ලදී.

 මෙම අවස්ථාවට ශ්‍රී ලංකා රග්බි සභාපති ගෲප් කැප්ටන් (විශ්‍රාමික) නලින් ද සිල්වා, ගුවන් හමුදා කොළඹ කඳවුරු අණදෙන නිලධාරී එයාර් කොමඩෝර් පීඑස්එන් ප්‍රනාන්දු, ගුවන් හමුදා රත්මලාන කඳවුරු අණදෙන නිලධාරී එයාර් කොමඩෝර් ඩබ්ලිව්පීඒඑච් පෙරේරා ඇතුළු සම්භාවනීය ආරාධිතයින් රැසක් සහභාගී විය.