සෞඛ්‍ය සේවා අධ්‍යක්ෂ මණ්ඩලය විසින් ශ්‍රී ලංකාවේ ත්‍රිවිධ හමුදා හෙද සහායකයින් සඳහා භෞතචිකිත්සාව පිළිබඳ ඩිප්ලෝමා වැඩසටහන ආරම්භ කිරීමේ සමාරම්භක උත්සවය 2023 ඔක්තෝබර් 23 වන දින කටුනායක ගුවන් හමුදා මුලික රෝහල් ශ්‍රවණාගාරයේදී පැවැත්විණි. මෙම වැඩසටහනේ සමාරම්භක උත්සවය සෞඛ්‍ය සේවා අධ්‍යක්ෂ ජනරාල් එයාර් වයිස් මාර්ෂල් (වෛද්‍ය) ලලිත් ජයවීර,  පුහුණු අධ්‍යක්ෂ එයාර් කොමඩෝර් අනුරුද්ධ විජේසිරිවර්ධන, වැඩ බලන කඳවුරු අණදෙන නිලධාරී ගෲප් කැප්ටන් අෂාඩ් ලියනාරච්චි සහ කටුනායක ගුවන් හමුදා රෝහල් අණදෙන නිලධාරී එයාර් කොමඩෝර් (වෛද්‍ය) වසන්ත පද්මපෙරුම යන නිළධාරීන්ගේ ප්‍රධානත්වයෙන් පැවැත්විණි.
 
භෞතචිකිත්සාව පිළිබඳ ඩිප්ලෝමාව යනු ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලය විසින් සංස්කරනය කරන ලද වසර දෙකක පූර්ණ කාලීන පුහුණු ඩිප්ලෝමා වැඩසටහනක් වන අතර ශ්‍රී ලංකා යුද හමුදාව, ශ්‍රී ලංකා නාවික හමුදාව සහ ශ්‍රී ලංකා ගුවන් හමුදාවේ හෙද සහායකයින් 14 දෙනෙකු ඩිප්ලෝමා වැඩසටහනේ පළමු කණ්ඩායම ලෙස බඳවා ගන්නා ලදී.