ගුවන් හමුදාධිපති එයාර් මාර්ෂල් උදේනි රාජපක්ෂ මැතිතුමන් 2023 නොවැම්බර් 13 වන දින සිට 16 වන දින දක්වා හවායි හි පර්ල් වරායෙහි පැසිෆික් ගුවන් හමුදා මූලස්ථානයේ පැවති 'පැසිෆික් ගුවන් ප්‍රධානීන්ගේ කථීකාව 2023' සඳහා සහභාගී විය. රටවල් 22 ක නියෝජිතයින් පිරිසක් සහභාගී වු මෙම කථීකාව ගුවන් ප්‍රධානීන්ගේ විශාලතම ද්විවාර්ෂික හමුව සනිටුහන් කරන ලද අතර මෙහිදී කලාපීය ආරක්‍ෂක අභියෝගවලට මුහුණ දීම සඳහා ගෝලීය තීක්ෂණ බුද්ධිය යොදා ගැනීම කෙරෙහි විශේෂ අවධානය යොමු කරන ලදී

පැසිෆික් ගුවන් ප්‍රධානීන්ගේ කථීකාව 2023 සදහා ජෙනරල් කෙන් විල්ස්බැච්ගේ ප්‍රධානත්වයෙන්  ගුවන් සීමා දැනුවත් කිරීමේ වැදගත්කම, මෑත කාලීන ගැටුම්වලින් උගත් පාඩම්, මානුෂීය ආධාර සහ ආපදා සහන පිළිබඳව සහ කලාපීය ආරක්ෂාව සම්බන්ධ විවිධ මාතෘකා ඔස්සේ සාකච්ඡා පැවැත්විණි.

එහි හරවත් සාකච්ඡාවලින් ඔබ්බට, ජාත්‍යන්තර හවුල්කරුවන් අතර බැඳීම් ඇති කිරීම සඳහා නිර්මාණය කර ඇති ආකර්ශනීය සමාජ සිදුවීම් ද මෙම කථීකාවට ඇතුළත් විය. ඉන්දු-පැසිෆික්, යුරෝපය, දකුණු ඇමරිකාව සහ උතුරු ඇමරිකාවේ හමුදා නායකයින් එක්රැස් කරමින්, පැසිෆික් ගුවන් ප්‍රධානීන්ගේ කථීකාව 2023 කලාපීය අභියෝගවලට විසඳුම් සෙවීමේ වේදිකාවක් ලෙස සහ සදාකාලිකව ගැඹුරු වන හවුල්කාරිත්වයන් ශක්තිමත් කිරීමට සහභාගී විය.