අවසන් මහා තරග සහ සම්මාන ප්‍රදානෝත්සවය 2023 දෙසැම්බර් 08 වන දින එම ස්ථානයේදීම පැවැත්විණි. ප්‍රධාන ආරාධිත අමුත්තා ලෙස සැපයුම් අධ්‍යක්ෂ ජෙනරාල් එයාර් වයිස් මාර්ෂල් එස්.එම්.එස්.පී.කොස්වත්ත සහභාගී විය.

 ජාත්‍යන්තර වුෂු සම්මේලනයේ (IWUF) නව නීති රීති යටතේ පිරිමි සඳහා බර කාණ්ඩ 08ක් සහ කාන්තා බර කාණ්ඩ 06ක් යටතේ මෙම ඉසව්ව පවත්වන ලදී. පිරිමි ශූරතාව රත්මලාන ගුවන් හමුදා කඳවුර විසින් දිනා ගන්නා ලද අතර කාන්තා ශූරතාව කොළඹ ගුවන් හමුදා කඳවුර විසින් හිමිකර ගන්නා ලදී. ශ්‍රී ලංකා ගුවන් හමුදා කොළඹ කඳවුර පිරිමි අංශයේ අනුශූරතාව සහ කාන්තා අංශයේ අනුශූරතාවය රත්මලාන ගුවන් හමුදා කඳවුර දිනා ගන්නා ලදී.

ගුවන් හමුදා වුෂු සභාපති ගෲප් කැප්ටන් කේ.ඒ.පී.එස් කුරුවිට, ගුවන් හමුදා ක්‍රීඩා අධ්‍යක්ෂ මණ්ඩලයේ නිලධාරීන්, ජ්‍යෙෂ්ඨ නිලධාරීන් සහ අනෙකුත් ආරාධිතයින් අවසන් තරඟ සහ සම්මාන ප්‍රදානෝත්සවය නැරඹීම සඳහා සහභාගී විය.