ශ්‍රී ලංකා ගුවන් හමුදාවේ ගිනි නිවීම් සහ ගලවාගැනීමේ සේවාව විසින් 2023 දෙසැම්බර් 20 වන දින කොළඹ 02, නවම් මාවතේ පිහිටි Development Holding (Pvt) Ltd ගොඩනැගිල්ලේ දී ගිනි හා ගලවා ගැනීමේ අභ්‍යාසයක් පවත්වන ලදී. මෙම අභ්‍යාසය සඳහා ගුවන් හමුදා ගිනි නිවන භටයින් 33 දෙනෙකු සහභාගී විය.  ගුවන් හමුදා ප්‍රධාන ගිනි නිවාරණ නිලධාරි ගෲප් කපිතාන් ඩබ්ලිව්කේඒඑස්ඩබ්ලිව් විතාන සහ ගුවන් හමුදා කටුනායක කඳවුරු ගිනි නිවන පාසල සහ ගිනි ටෙන්ඩර් නඩත්තු බලඝණයේ අණදෙන නිළධාරී විංග් කමාන්ඩර් සීපී හෙට්ටිආරච්චි ගේ අධීක්ෂණය යටතේ මෙම අභ්‍යාසය සිදු විය.

මෙම අභ්‍යාසය මෙහෙයවනු ලැබුවේ ස්කොඩ්‍රන් ලීඩර් බී.එච්.එම්.ඩී ගුණතිලක විසිනි. ගුවන් හමුදා ගිනි නිවන භටයින් ලණු රැප්ලිං සහ ටර්න්ටබල් ඉණිමඟ මුදාගැනීමේ වාහන ඇතුළු විවිධ ගලවා ගැනීමේ උපක්‍රම ප්‍රදර්ශනය කළ අතර හුස්ම ගැනීමේ උපකරණ භාවිතයෙන් ඔවුන්ගේ ගිනි නිවීමේ ප්‍රතිචාර හැකියාවන් ප්‍රදර්ශනය කළහ.