එයාර් වයිස් මාර්ෂල් බන්දු එදිරිසිංහ මහතා ශ්‍රී ලංකා ගුවන් හමුදාවේ සැලසුම් අධ්‍යක්ෂ ජනරාල්වරයා ලෙස 2024 ජනවාරි 12 දින සිට ක්‍රියාත්මක වන පරිදි පත් කරන ලදී. ගුවන් හමුදා මූලස්ථානය විසින් 2024 ජනවාරි 22 වන දින  නව සැලසුම් අධ්‍යක්ෂ ජනරාල්වරයා වෙත සිය සුභ පැතුම් පිරිනැමීය.

මහනුවර ශාන්ත සිල්වෙස්තර විදුහලේ අධ්‍යාපනය හදාරා 1991 වසරේ කැඩෙට් නිලධාරියෙකු ලෙස 24 වන බඳවා ගැනීම හරහා ශ්‍රී ලංකා ගුවන් හමුදාවට එක් වූ අතර 1993 දී සාමාන්‍ය රාජකාරි නියමු ශාඛාවේ නියමු නිලධාරියෙකු ලෙස පත් කරන ලදී. භමණ අංශයේ නියමුවන් නොමැතිකම හේතුවෙන් ඔහු භමණ අංශයට අනුයුක්ත කර 1993 වර්ෂයේදී බෙල් 206/212/412 හි පුහුණුව නිම කරන ලදී. හෙලිකොප්ටර් පියාසර කිරීමට ක්‍රියාන්විතව නිෂ්කාශනය වූ අතර ඒ සඳහා බෙල් 212 උපයෝගිතා හෙලිකොප්ටර් බලඝණයට පත් කරන ලදී.

එයාර් වයිස් මාර්ෂල් එදිරිසිංහ ගුවන් හමුදා හිඟුරක්ගොඩ කඳවුරේ පුහුණු පාඨමාලාව හැදෑරූ අතර 1998 වසරේ සුදුසුකම් ලත් හෙලිකොප්ටර් උපදේශකයෙකු බවට පත් විය. ඔහු මධ්‍යම පියාසර පාසලේ රාජකීය ගුවන් හමුදාවේ A2 ශ්‍රේණිගත හෙලිකොප්ටර් උපදේශකයෙකු වන අතර ඔහු පැය 3000 කට අධික කාලයක් රාජකාරි පුහුණුව ලබා ඇත. ඊට අමතරව, ඔහු හෙලිකොප්ටර්වල පියාසර කරන පැය 7000 කට වඩා වැඩි ප්‍රමාණයක් රැස් කර ඇති අතර හෙලිකොප්ටර් ප්‍රවාහයේ උපකරණ ශ්‍රේණිගත කිරීමේ පරීක්ෂකවරයෙකි. ඔහු නාවික මෙහෙයුම් සඳහා සුදුසුකම් ලබා ඇති අතර Night Vision Goggle (NVG) හෙලිකොප්ටර් පියාසර කිරීමේ උපදේශකයෙකි. ඔහු ඇමරිකා එක්සත් ජනපදයේ ඇලබාමා හි ගුවන් විශ්ව විද්‍යාලයේ එක්සත් ජනපද ගුවන් හමුදාවේ මාණ්ඩලික පාඨමාලාවෙන් උපාධිය ලබා ඇති අතර චීනයේ 'ndc' ජාතික ආරක්ෂක විද්‍යාලය යන කීර්තිමත් නාමය ද ලබා ඇති අතර බංග්ලාදේශය, ඉන්දියාව සහ සිංගප්පූරුව වැනි රටවල වෙනත් විදේශීය පුහුණුවීම් සමග සම්බන්ධ වි ඇත. මීට අමතරව, ඔහු 2017 වර්ෂයේදී පකිස්ථානයේ ශ්‍රී ලංකා මහ කොමසාරිස් කාර්යාලය සඳහා ආරක්ෂක උපදේශක ලෙස පත් කරන ලදී.

වීර වික්‍රම විභූෂණ, රණ වික්‍රම පදක්කම, රණ සූර පදක්කම යන ත්‍යාග තුනකින් ද උත්තම සේවා පදක්කමෙන් ද පිදුම් ලබා ඇත.