MI-24 'HIND'නම් හෙලිකොප්ටරය ශ්‍රී ජයවර්ධනපුර ආරක්ෂක මූලස්ථානය වෙත යන මාර්ගයේ ස්මාරකයක් ලෙස ස්ථාපිත කර 2024 මාර්තු 02 වන දින විවෘත කර ගෞරවයට පාත්‍ර කරන ලදී. ගුවන් හමුදාධිපති එයාර් මාර්ෂල් උදේනි රාජපක්ෂ මහතා විසින් ස්මාරකය විවෘත කර පුෂ්පෝපහාර දැක්විමෙන් අනතුරුව එම අවස්ථාවට ආචාරය පුද කරන ලදී. මෙම අවස්ථාවට ගුවන් හමුදා කළමණාකාර මණ්ඩලයේ සාමාජිකයින් ද සහභාගී විය.

1995 දී ශ්‍රී ලංකා ගුවන් හමුදාවට ඇතුළත් කරන ලද MI-24 -24 ගුවන් හමුදාවේ මූලික ප්‍රහාරක හෙලිකොප්ටරය ලෙස සැලකිය හැකිය. අංක 09 ප්‍රහාරක හෙලිකොප්ටර් බලඝණය මගින් ක්‍රියාත්මක වන මෙම ප්‍රබල ගුවන් යානය, බොහෝ විට 'පියාඹන ටැංකියක්' ලෙසින් හඳුන්වනු ලබන අතර, වසර ගණනාවක් පුරා එහි බලඝණය හෙලිකොප්ටර් 26 දක්වා ක්‍රමයෙන් වර්ධනය වී ඇත.

එහි පාලන කාලය තුළ, 'HIND'සටන් මෙහෙයුම් 1100 කට අධික ප්‍රමාණයක් සිදු කර ඇති අතර, සමීප ගුවන් සහාය, යුධ පිටියේ ගුවන් බාධාව, සන්නද්ධ ඔත්තු බැලීම වැනි මෙහෙයුම් සඳහා සන්නද්ධ මෙහෙයුම් මෙන්ම ජාවාරම් නීති විරෝධී මෙන්ම මුහුදු කොල්ලකෑම් මෙහෙයුම් සදහා සහභාගීවෙමින් ජාතික ආරක්ෂාවට සැලකිය යුතු දායකත්වයක් ලබා දෙමින් සන්නද්ධ පිරිස් වාහකයක් ලෙස ද සේවය කර ඇත.

ස්මාරකයේ සවිකර ඇති SAH-629 MI-24 හෙලිකොප්ටරය යුධ හානිවලට ලක් වූ අතර, එහි බඳෙහි, රොටර්වල සහ ඉන්ධන ටැංකියේ සලකුණු වලින් පැහැදිලි වන අතර, එය විවිධ සටන් 28 ක් හරහා ජාතියට කළ උදාර සේවය සංකේතවත් කරයි.