කටුනායක ගුවන් හමුදා කඳවුරේ ස්ථානගත කර ඇති අංක 01 ගුවන් ආරක්ෂක රේඩාර් බලඝණය, 2024 මාර්තු 10 වන දින සිය 18 වන සංවත්සරය සමාජ ක්‍රියාකාරකම් රැසක් සමගින් පවත්වන ලදී. අණදෙන නිළධාරී විංග් කමාන්ඩර් ඩිආර්ටටි මල්ලවාරච්චි නිළධාරීතුමන්ගේ මගපෙන්වීම යටතේ "ශ්‍රමදාන" ව්‍යාපාරයක් සහ ආගමික වතාවත් ගම්පහ "ශ්‍රී සලිලදස්සනාරාම" විහාරස්ථානයේ දී පවත්වන ලදී.

සංවත්සර උත්සවය අණදෙන නිළධාරීතුමන් විසින් සමාලෝචනය කරන ලද චාරිත්‍රානුකූල වැඩ පෙළපාලියකින් ආරම්භ කෙරුනු අතර අනතුරුව බලඝණ පරිශ්‍රයේම "දෙමුහුන් පේර" වගා ව්‍යාපෘතියක් ආරම්භ කරන ලදී. ප්‍රධාන ආරාධිත අමුත්තා ලෙස ගුවන් ආරක්ෂක අධ්‍යක්ෂ එයාර් වයිස් මාර්ෂල් එස්ඩීජීඑම් සිල්වා මහතා සහභාගී වූ අතර සියලුම බලඝණ නිලධාරීන්ගේ සහභාගීත්වයෙන් මෙම උත්සවය උද්වේගකර ක්‍රීඩා ඉසව්වකින් අවසන් විය.