යාපනය මුට්‍රවේලි පිටියේදී ඉතා උත්කර්ශවත් ලෙස පවත්වන ලද ගුවන් හමුදා 'Air Tattoo 2024' දින පහක ප්‍රයත්නය 2024 මාර්තු 10  විශිෂ්ට සාර්ථකත්වයක් අත්කර ගනිමින් අවසන් විය. හෙට දවසේ නායකයින්ගේ මනස පෝෂණය කිරීම කෙරෙහි විශේෂ අවධානයක් යොමු කරමින්, අපගේ ජාතියේ හදවතේ ප්‍රීතිය හා දැනුම ව්‍යාප්ත කිරීම මෙහි මූලික අරමුණ විය.

මූලික ගුවන් යානා ප්‍රචාලනය සහ සැලසුම් ක්‍රමවේදයන් කෙරෙහි විශේෂ අවධානයක් යොමු කරමින් සහ ගුවන් සේවා ක්ෂේත්‍රයේ උසස් ජයග්‍රහණ සඳහා උතුරු කලාපයේ තරුණ දක්ෂයින් අතර අභිලාෂයන් දිරිමත් කිරීම සඳහා ගුවන් සේවා අධ්‍යයනයන්හි අධ්‍යයන කටයුතු ඉදිරියට ගෙන යාමේ ප්‍රයත්නයක් ලෙස ගුවන් හමුදාපති එයාර් මාර්ෂල් උදේනි රාජපක්ෂ මහතා පැවසීය. ,PT-6 පුහුණු ගුවන් යානා වල භාවිතා කරන HUOSAI-6A රේඩියල් වර්ගයේ පිස්ටන් එන්ජිමක් සහ Mikoyan-Gurevich MiG-27 Supersonic Jet හි භාවිතා කරන R-29B-300 වර්ගයේ 55B Twin-Spool Turbojet එන්ජිමක් යාපනය විශ්ව විද්‍යාලයට පරිත්‍යාග කළේය.

තවද, පැළ 73000 ව්‍යාපෘතියේ පළමු අදියර ලෙස යාපනයේ ගොවීන් අතර බෙදා හැරීම ශ්‍රී ලංකා ගුවන් හමුදා කෘෂි අංශය විසින් යාපනය නියෝජ්‍ය පළාත් කෘෂිකර්ම අධ්‍යක්ෂ කාර්යාලයේ සහයෝගීතාවයෙන් ආරම්භ කරන ලදී.  මෙම බෙදා හැරීමේ අවස්ථාවට කෘෂි අංශයේ අණදෙන නිලධාරී ගෲප් කැප්ටන් එච්.බී.ඩී සමරතුංග, උතුරු පළාත් කෘෂිකර්ම අධ්‍යක්ෂ සුගන්තිනී සෙන්තිල්කුමාරන් මහත්මිය, උතුරු පළාත් නියෝජ්‍ය පළාත් කෘෂිකර්ම අධ්‍යක්ෂ, අංජනතේවි ශ්‍රීරංගන් මහත්මිය, කෘෂිකර්ම උපදේශක තිරුනෙල්වලි මහතා සහ ග්‍රෘනෙල්වෙල් මහතා ඇතුළු පිරිසක් සහභාගි වූහ.

මීට අමතරව, උතුරු පළාතේ ඉහළම අධ්‍යයන දස්කම් දැක්වූ සිසුන් සඳහා ගුවන් හමුදා MI-17 හෙලිකොප්ටරයේ හෙලිකොප්ටර් සවාරියක් සඳහා අවස්ථාවක් ලබා දෙන ලදී. ගුවන් හමුදාධිපති එයාර් මාර්ෂල් උදේනි රාජපක්ෂ මහතාගේ මගපෙන්වීම යටතේ සහ අධ්‍යක්ෂ ජනරාල් ගුවන් මෙහෙයුම් එයාර් වයිස් මාර්ෂල් ලසිත සුමනවීර මහතාගේ අධීක්‍ෂණය යටතේ යාපනය අර්ධද්වීපයේ ගුවනින් දසුන් නරඹමින් මෙම සිසුන්ට නව සහ ප්‍රීතිමත් අත්දැකීමක් ලබා දෙන ලදී.