ශ්‍රී ලංකා ගුවන් හමුදා වවුනියාව කඳවුරේ අංක 2 ගුවන් ආරක්ෂක රේඩාර් බලඝණය 18 වන සංවත්සරය 2024 මාර්තු 10 වන දින සමරන ලදී. මෙම බලඝණය මුලින් ස්ථාපිත කරන ලද්දේ 2006 මාර්තු 10 වන දින MK II රේඩාර් පද්ධතියෙනි. අණදෙන නිළධාරී, විංග් කමාන්ඩර් ආර්.එම්.එස්.එන්.රණසිංහ නිළධාරීතුමන් විසින් නිරීක්ෂණය කරන ලද පෙළපාලියකින් අනතුරුව ආශිර්වාද පතා ආගමික වතාවත් වලින් අනතුරුව කටයුතු ආරම්භ විය.

2024 මාර්තු 11 වන දින මහකොන්ගස්කඩ ප්‍රාථමික විද්‍යාලයේ පාසල් පරිශ්‍රය පිරිසිදු කිරීමේ ශ්‍රමදාන ව්‍යාපාරයක් දී පවත්වන ලදී. ඊට අමතරව පාසල් සිසුන් සඳහා දිවා ආහාර වේලක් පිරිනැමුණු අතර ඔවුන්ට ලිපි ද්‍රව්‍ය බෙදාදීම ද එදින සිදු කෙරිණි.