ශ්‍රී ලංකා ගුවන් හමුදා මඩකලපුව කඳවුරු අණදෙන නිළධාරී ගෲප් කැප්ටන් කේඑච්එම්එස්එස් බණ්ඩාර නිළධාරීතුමන්ගේ මගපෙන්වීම යටතේ ක්‍රීඩා ඉසව්, රුක් රෝපණ වැඩසටහනක් සහ ප්‍රජා සේවා ව්‍යාපෘති ඇතුළු වැඩසටහන් මාලාවක් සමඟින් 2024 මාර්තු 27 වන දින සිය 41 වන සංවත්සරය සමරන ලදී.

තවද, ප්‍රජා සේවා ව්‍යාපෘති සඳහා කැපවීමේ කොටසක් ලෙස පුනීතා අන්නම්මාල් දෙමළ විද්‍යාලයේ සහ පුත්තූර් විග්නේෂ්වර විද්‍යාලයේ 'ශ්‍රමදාන ව්‍යාපාරයක් පවත්වන ලද අතර 2024 මාර්තු 25 දින කදවුරු පරිශ්‍රයේ අලුතින් අලුත්වැඩියා කරන ලද සර්ව ආගමික සිද්ධස්ථාන විවෘත කිරීමද ඇතුළත් විය. වන සංරක්ෂණ දෙපාර්තමේන්තුව සමඟ එක්ව රුක් රෝපණ වැඩසටහනක් පවත්වන ලද අතර සුහදත්වය සහ කණ්ඩායම් හැඟීම වර්ධනය කිරීම සඳහා සියලුම නිලයන් සහ සිවිල් කාර්ය මණ්ඩලයේ සහභාගීත්වයෙන් එල්ලේ තරඟාවලියක් සංවිධානය කරන ලදී.

ප්‍රධාන ආරාධිත අමුත්තා වශයෙන් අණදෙන නිළධාරීතුමාගේ සහභාගීත්වයෙන් සංවත්සර දින සැමරුම ටොම්බෝල උත්සවයකින් අවසන් විය. සියලුම නිළධාරීන්, සෙසු නිලයින් සහ සිවිල් කාර්ය මණ්ඩලය මෙම සියලුම උත්සව සඳහා සහභාගී විය.