අංක 75 කනිෂ්ඨ අණ හා මාණ්ඩලික පාඨමාලාවේ උපාධි ප්‍රදානෝත්සවය 2024 අප්‍රේල් 10 වන දින  ශ්‍රී ලංකා ගුවන් හමුදා චීන වරාය විද්‍යාපීඨයේ පිහිටි කනිෂ්ඨ අණ හා මාණ්ඩලික විද්‍යාල ශ්‍රවණාගාරයේදී පැවැත්විණි. හිටපු ගුවන් හමුදාපති එයාර් චීෆ් මාර්ෂල් ජයලත් වීරක්කොඩි ප්‍රධාන ආරාධිත අමුත්තා ලෙස මෙම උත්සවයට සහභාගී විය.

කනිෂ්ඨ අණ හා මාණ්ඩලික විද්‍යාලයේ පළමු සේනාවිධායක එයාර් වයිස් මාර්ෂල් ඊජීජේපී ද සිල්වා (විශ්‍රාමික) සහ ආරම්භක පීඨයේ සාමාජිකයෙකු වන ගෲප් කැප්ටන් බීඩබ්ලිව්පී ජයසිංහ (විශ්‍රාමික), අධ්‍යක්ෂ ජනරාල් සැලසුම්, එයාර් වයිස් මාර්ෂල් වී බී එදිරිසිංහ ද මෙම අවස්ථාවට සහභාගි වූහ. .

මෙම උත්සවය සති 14 ක් පුරා පැවති පාඨමාලාවේ අවසානය සනිටුහන් කරමින් නිලධාරීන් 29 දෙනෙකු සහභාගී වූ අතර, ගුවන් හමුදා ස්කොඩ්‍රන් ලීඩර් සහ ෆ්ලයිට් ලෙෆටිනන්ට් නිලය, ශ්‍රී ලංකා නාවික හමුදාවේ නිලධාරීන් දෙදෙනෙකු සහ ඉන්දියානු නිලධාරියෙකු ඇතුලත් 26 දෙනෙකු සහතිකපත් හිමිකර ගන්නා ලදී.
 
කනිෂ්ඨ අණ හා මාණ්ඩලික විද්‍යාලය ජෙනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයට ඒකාබද්ධ කර ඇති අතර අවශ්‍ය නිර්ණායක සපුරාලන නිලධාරීන්ට ආරක්ෂක කළමනාකරණය පිළිබඳ පශ්චාත් උපාධි ඩිප්ලෝමාවක් පිරිනැමේ.

පාඨමාලා අංක 75 කනිෂ්ඨ අණ සහ මාණ්ඩලික පාඨමාලාවේ සම්මානලාභීන්

සෑම අතින්ම දක්ෂතම නිලධාරියා
ස්කොඩ්‍රන් ලීඩර් බක්මීදෙණිය

ශාස්ත්‍රීය අංශයේ හොඳම නිලධාරියා
ස්කොඩ්‍රන් ලීඩර් ආර්ආර් සාවන්ට් (ඉන්දියානු ගුවන් හමුදාව)