ගුවන් හමුදාධිපති එයාර් මාර්ෂල් උදේනි රාජපක්ෂ මහතා 2024 මැයි මස 06 වන දින ඕස්ට්‍රේලියාවේ පවත්වනු ලබන ගුවන් හා අභ්‍යවකාශ බල සමුළුව නිමිත්තෙන් ජපානයේ උප මාණ්ඩලික ප්‍රධානී ලුතිනන් ජෙනරාල් ටකුටෝ ඔගස්වාරා මහතා සමඟ ද්විපාර්ශ්වික සාකච්ඡාවක නිරත විය.

මානුෂීය ආධාර සහ ආපදා ප්‍රතිචාර (HADR) කෙරෙහි විශේෂ අවධානයක් යොමු කරමින්, විශේෂයෙන් ආරක්ෂක සහයෝගීතාව වැඩි දියුණු කිරීම සහ පුහුණු අවස්ථා වැඩිදියුණු කිරීම ඇතුළු වැදගත් කරුණු පිළිබඳව සාකච්ඡා කළ අතර   අනතුරුව, එම අවස්ථාව සනිටුහන් කරමින් ගුවන් හමුදාධිපතිතුමන් සහ උප මාණ්ඩලික ප්‍රධානී අතර සමරු තිළිණ හුවමාරුවක් ද සිදු කරන ලදී.