එක්සත් ජාතීන්ගේ සාම සාධක සාමාජිකයාගේ සුවදුක් සොයා බැලීම ගුවන් මෙහෙයුම් අධ්‍යක්ෂ ජනරාල්වරයා විසින් සිදු කරයි
මධ්‍යම අප්‍රිකානු ජනරජයේ එක්සත් ජාතීන්ගේ සාම සාධක දූත මණ්ඩලවල රාජකාරියේ යෙදී සිටියදී හදිසි සෞඛ්‍ය ගැටළු මධ්‍යයේ රැදී සිටි ජ්‍යෙෂ්ඨ අධිකාරී නොලත් නිලධාරියෙකු 2024 මැයි 16 වන දින බ්‍රියා සිට බංගුයි සහ අවසානයේ උගන්ඩාවේ එන්ටෙබේ දක්වා විවිධ වෛද්‍ය පහසුකම් යටතේ රැදී සිට ප්‍රතිකාර ලැබීය. 2024 මැයි 24 වන දින ඒවෙනුවෙන් කැපවූ වෛද්‍ය කණ්ඩායමක් සමඟ ඔහු ශ්‍රී ලංකාවට ආපසු ගෙන්වා ගන්නා ලදී.
ඉන් අනතුරුව, ගුවන් මෙහෙයුම් අධ්‍යක්ෂ ජනරාල් එයාර් වයිස් මාර්ෂල් ලසිත සුමනවීර මහතා 2024 මැයි 25 වන දින කටුනායක ගුවන් හමුදා රෝහලේ රෝගියා බැලීමට පැමිණියේය. අවශ්‍ය අවස්ථාවන්හිදී, සේවයේ මූලික වටිනාකම සිහිකරමින්, ශ්‍රී ලංකා ගුවන් හමුදා සාමාජිකයින්ට උපරිම රැකවරණය සහ සහයෝගය ලබාදෙන බවද එයාර් වයිස් මාර්ෂල් ලසිත සුමනවීර මහතා එහිදී අවධාරණය කලේය.
