ගුවන් හමුදා කටුනායක කඳවුරේ ප්‍රතිසංස්කරණය කරන ලද කතෝලික දේවස්ථානය ගුවන් හමුදාධිපති එයාර් මාර්ෂල් උදේනි රාජපක්ෂ මහතා විසින් 2024 මැයි මස 29 වන දින සුභ මොහොතින් විවෘත කරන ලදී.  , සීදූව සුපුවත් අරණ අධ්‍යක්ෂ ගරු. කෙනඩි පෙරේරා පියතුමන්, මීගමුව ලොයෝලා විද්‍යාලයේ අධිපති ගරු ඩැරල් කූංහේ පියතුමන් සහ කටුනායක පාරිස් පියතුමන් සහ නුවන් බුද්ධික පියතුමන් විසින් ප්‍රත්සංස්කරණයෙන් පසු දේවස්ථානයට ආශිර්වාද කිරීමේ දේව මෙහය සිදු කරන ලදී.

ගුවන් හමුදාධිපති එයාර් මාර්ෂල් උදේනි රාජපක්ෂ මහතාගේ අනුදැනුම මත හා ඉදිකිරීම් ඉංජිනේරු අධ්‍යක්‍ෂ ජනරාල්වරයාගේ මගපෙන්වීම යටතේ සිවිල් ඉංජිනේරු අංශය විසින් ඉදිකිරීම් කටයුතු සිදු කරන ලද අතර  රෝමානු කතෝලික සභාව හරහා බොහෝ පරිත්‍යාගශීලීන් මෙම ව්‍යාපෘතියට ආධාර කළහ.

මෙම අවස්ථාව සඳහා ගුවන් හමුදා කළමනාකරණ මණ්ඩලයේ සාමාජිකයින්, කටුනායක ගුවන් හමුදා කඳවුරු අණදෙන නිළධාරී එයාර් වයිස් මාර්ෂල් දේශප්‍රිය සිල්වා, ගුවන් හමුදා කටුනායක කඳවුරේ නිළධාරීන් සහ සෙසු  නිලයින් සහ දේවස්ථානය වෙනුවෙන් දායක වූ පරිත්‍යාගශීලීන් ද සහභාගී වූහ.