විවාහක කාන්තා නිලධාරිනියන්, ගුවන් කාන්තාවන්, සේවා නිලධාරීන්ගේ භාර්යාවන් සහ සිවිල් සේවක සේවිකාවන්ගේ යහපැවැත්ම සහ සෞඛ්‍යය ප්‍රවර්ධනය කිරීමේ අරමුණින් 2024 ජුනි 01 වන දින කටුනායක ගුවන් හමුදා රෝහලේදී "සුව කාන්තා සායනයක්" සංවිධානය කරන ලදී. සෞඛ්‍ය සේවා අධ්‍යක්ෂ ජනරාල් එයාර් වයිස් මාර්ෂල් (වෛද්‍ය) ලලිත් ජයවීර මහතාගේ මඟපෙන්වීම යටතේ කටුනායක ගුවන් හමුදා රෝහලේ අණදෙන නිලධාරී එයාර් කොමදෝරු පී.ඒ.වී පද්මපෙරුම මහතාගේ අධීක්‍ෂණය යටතේ සීදූව සෞඛ්‍ය වෛද්‍ය නිලධාරී කාර්යාලයේ සහයෝගය ඇතිව මෙම වැඩසටහන ක්‍රියාත්මක කරන ලදී. මෙම වැඩසටහන සඳහා සීදූව සහකාර සෞඛ්‍ය වෛද්‍ය නිලධාරී වෛද්‍ය එම්.ඒ.ජී.එෆ් සේනාරත්න මහතා සහභාගීය විය.

මෙම වැඩසටහන මගින් වයස අවුරුදු 35ට වැඩි කාන්තාවන්ට වැළැක්විය හැකි පිළිකා කල්තියා හඳුනා ගැනීම කෙරෙහි අවධානය යොමු කරන ලදී. සෞඛ්‍ය වෛද්‍ය නිලධාරී කාර්යාලයේ සහ ගුවන් හමුදාවෙහි පළපුරුදු මහජන සෞඛ්‍ය හෙද හෙදියන් විසින්   සහභාගී වන සියලුම කාන්තාවන් සඳහා නොමිලේ සෞඛ්‍ය සේවාවක් ලබා දෙන ලදී.