ශ්‍රී ලංකා ගුවන් හමුදා කොළඹ රෝහල සිය 10 වැනි සංවත්සරය 2024 ජූලි 01 වන දින සමරනු ලැබීය. අණදෙන නිළධාරී ගෲප් කැප්ටන් ටීවීඑස්එස් අල්විස් විසින් සමාලෝචනය කරන ලද සම්ප්‍රදායික වැඩ පෙළපාලියෙන් දින සැමරුම ආරම්භ විය. අණදෙන නිළධාරී විසින් සියලුම නිලධාරීන්, සේවා පුද්ගලයින් අමතා රෝහල සංවර්ධනයට දායක වූවන්ට ස්තුතිය පුද කරන ලදී. තවද, ශ්‍රී ලංකා ගුවන් හමුදා කොළඹ රෝහල අනාගත සෞඛ්‍ය අභියෝගවලට මුහුණ දීමට සහ එහි දැක්ම සහ මෙහෙවර සාක්ෂාත් කර ගැනීම සඳහා සිය කැපවූ සේවාව ඉදිරියේදිත් අපේක්ෂා කරන බවද සිය  දේශනයේ අවධාරනය කරන ලදී.