ශ්‍රී ලංකා ගුවන් හමුදා මොරවැව කඳවුරේ රෙජිමේන්තු විශේෂ බලකා (RSF) පක්ෂාංගය 2024 ජූලි 07 වන දින 21 වන සංවත්සරය සමරන ලදී. රෙජිමේන්තු විශේෂ බලකා ශ්‍රී ලංකා ගුවන් හමුදාවේ රෙජිමේන්තුවේ විශේෂ ඒකකයක් ලෙස ස්ථාපිත කර ඇති අතර එය ගුවන් කඳවුරු ආරක්‍ෂක සහ මුදවාගැනීමේ (ABDR) මෙහෙයුම්, මානුෂීය ආධාර සහ ආපදා ප්‍රතිචාර (HADR), සෙවීම් සහ මුදවාගැනීම් (SAR) මෙහෙයුම්, සටන් සෙවීම සහ මුදවාගැනීම් (CSAR) මෙහෙයුම්, විශේෂ සටන් මෙහෙයුම් ඇතුළු විවිධ මෙහෙයුම් සිදු කරයි.

සැමරුම් දින උත්සවය සම්ප්‍රදායික වැඩ පෙළපාලියකින් ආරම්භ වූ අතර, රෙජිමේන්තු විශේෂ බලකා පක්‍ෂාංගයේ අණදෙන නිලධාරී , විංග් කමාන්ඩර් සුමිත් බණ්ඩාර විසින් සමාලෝචනය කරන ලද අතර සියලුම නිලධාරීන් සහ ගුවන් භටයින් ඇමතූ අණදෙන නිළධාරී විසින් රෙජිමේන්තු විශේෂ බලකා පක්‍ෂාංගය ස්ථාපිත කිරීමේ සිට එහි සංවර්ධනයට දායක වූ  හිටපු සියලුම අණදෙන නිළධාරීන්, අනෙකුත් නිලධාරීන් සහ අනෙකුත් සියලුම නිලයන් වෙත සිය කෘතඥතාවය පුද කරන ලදී. පක්ෂාංගයේ සංවර්ධනය සඳහා ඔවුන්ගේ කැපවීම සහ සක්‍රීය දායකත්වය අගය කරමින් අණදෙන නිළධාරීවරයා දැනට සිටින සාමාඡිකයින්ට සිය සුබ පැතුම් පිරිනැමීය.

සංවත්සර දිනට සමගාමීව ත්‍රිකුණාමලයේ පිහිටි "රේවත ළමා සංවර්ධන මධ්‍යස්ථානයේ" ශ්‍රමදාන ව්‍යාපාරයක් සහ අත්‍යාවශ්‍ය අධ්‍යාපනික ද්‍රව්‍ය පරිත්‍යාග කිරීමේ වැඩසටහනක් සියලුම පක්ෂාංග සාමාජිකයින්ගේ සහභාගීත්වයෙන් සිදුකරන ලද අතර කඳවුරු ක්‍රීඩා පිටියේදී සංවිධානය කරන ලද ක්‍රිකට් තරඟාවලියකින් සැමරුම් දින කටයුතු අවසන් විය.