අන්තර් ඒකක මල්ලවපොර ශූරතාවලිය 2024 ජූලි 09 වන දින සිට 11 වන දින දක්වා ගුවන් හමුදා කටුනායක කඳවුරේදී පැවැත්විණි. මෙම අවස්ථාවට ප්‍රධාන ආරාධිත අමුත්තා ලෙස ගුවන් ඉංජිනේරු අධ්‍යක්ෂ ජනරාල් එයාර් වයිස් මාර්ෂල් ගිහාන් සෙනෙවිරත්න මහතා සහභාගී විය.

ශ්‍රී ජයවර්ධනපුර කෝට්ටේ ගුවන් හමුදා කඳවුර පිරිමි අංශයේ ශූරතාවට හිමිකම් කියූ අතර ගුවන් හමුදා වවුනියාව කඳවුර අනුශූරතාවයට හිමිකරගන්නා ලදී. කාන්තා ශූරතාව කටුනායක ගුවන් හමුදා කඳවුර විසින් දිනා ගන්නා ලද අතර ගුවන් හමුදා ඒකල වෘත්තී පුහුණු පාසල අනුශූරතාවය දිනා ගන්නා ලදී. ශ්‍රී ලංකා ගුවන් හමුදා දියතලාව සටන් පුහුණු පාසලේ බලඝණ නායක අර්ථා රණසිංහ සහ කටුනායක ගුවන් හමුදා කඳවුරේ කෝප්‍රල් ප්‍රියගිකා ඩබ්ලිව්.එල් විසින් පිරිමි සහ කාන්තා කාණ්ඩ සඳහා ‘හොඳම ටෙස්ට් තාක්ෂණික මල්ලවපොර ක්‍රීඩික සහ ක්‍රීඩිකාව ‌‌ලෙස’ සම්මාන හිමිකර ගන්නා ලදී.

මෙම අවස්ථාවට ගුවන් හමුදා මල්ලවපොර සංචිත සභාපති, ගුවන් හමුදා ක්‍රීඩා කවුන්සිලයේ සාමාජිකයින්, නිලධාරීන් සහ සෙසු නිලයින් පිරිසක් සහභාගී විය.