ගුවන් හමුදාධිපති එයාර් මාර්ෂල් උදේනි රාජපක්ෂ විසින් 2024 කාන්තා ආසියානු කුසලාන T20 තරඟාවලියේ ජයග්‍රහණය සඳහා ලබාදුන් ආදර්ශවත් දායකත්වය වෙනුවෙන් ගුවන් හමුදාධිපතිතුමන් විසින් 2024 ජූලි 30 වන දින ශ්‍රී ලංකා ගුවන් හමුදා ක්‍රීඩිකාවන් දෙදෙනෙකු වන සැරයන් ප්‍රනාන්දු එස්ඩබ්අයිබී සහ කෝප්‍රල් කතිරආරච්චිගේ ඩී.ඒ.කේ. ක්‍රීඩිකාවන්ගේ කැපවීම, දක්ෂතාවය සහ ශ්‍රී ලංකාවට ගෙන ආ ගෞරවය වෙනුවෙන් උපහාර පිරිනමන ලදී.

ගුවන් හමුදාධිපතිතුමන් විසින් ක්‍රිකට් ක්‍රීඩිකාවන් දෙදෙනාගේ විශිෂ්ඨ දස්කම් වෙනුවෙන් සිය සුභාශිංසන පිරිනමන ලද්දේ ගුවන් හමුදාවේ කීර්තිය ඉහල නැංවීමට ඔවුන් දක්වන දායකත්වයේ වැදගත්කම අවධාරණය කරමිනි. මීට අමතරව, ගුවන් හමුදාධිපතිතුමන් විසින් ගුවන් හමුදාවේ ගෞරවය ආරක්ෂා කරන ලෙස ඔවුන්ගෙන් ඉල්ලා සිටිමින් ජාත්‍යන්තර තලයේ අඛණ්ඩව ජයග්‍රහණ අත්කර ගැනීම සඳහා ඔවුන් දිරිමත් කරන ලදී.