2024 අන්තර් ඒකක ප්‍රායෝගික රයිෆල් ශූරතාව 2024 අගෝස්තු 02 සිට 05 වන දින දක්වා පවත්වන ලද අතර, සම්මාන ප්‍රදානෝත්සවය අම්පාර ගුවන් හමුදා කඳවුරු පරිශ්‍රයේ දී අධ්‍යක්ෂ ජනරාල් පරිපාලන එයාර් වයිස් මාර්ෂල් මනෝජ් කැප්පෙටිපොල මහතාගේ ප්‍රධානත්වයෙන් පැවැත්විණි.

ගුවන් හමුදා අනුරාධපුර කඳවුර පිරිමි අංශයේ ශූරතාව දිනාගත් අතර කාන්තා අංශයේ ශූරතාව පලාලි ගුවන් හමුදා කඳවුරට හිමිවිය. ශ්‍රී ලංකා ගුවන් හමුදා අම්පාර කදවුර සහ පලාලි ගුවන් හමුදා කදවුර පිරිමි අංශයේ ප්‍රථම සහ දෙවන අනුශූරතාවයට හිමිකම් කියන අතර කාන්තා අංශයේ ප්‍රථම සහ දෙවන අනුශූරතාවය පිළිවෙලින් ගුවන් හමුදා අනුරාධපුර කඳවුර සහ ගුවන් හමුදා අම්පාර කඳවුර විසින් හිමිකර ගන්නා ලදී.

තවද, ගුවන් හමුදා අනුරාධපුර කඳවුරේ කෝප්‍රල් මධුසංක එල්බීබී, ශූරතාවලියේ පිරිමි දක්ෂතම තුන් ඉරියව් වෙඩික්කරුවාට හිමි සම්මානය හිමිකරගත් අතර, කාන්තා අංශයේ දක්ෂතම තුන් ඉරියව් වෙඩික්කරුවා ලෙස ශ්‍රී ලංකා ගුවන් හමුදා අනුරාධපුර කඳවුරේ නායක ගුවන් කාන්තා ජයකොඩි පීඑම්ඩීඑස් කිරුළු පැළඳුවාය. මෙම ශූරතාවලියේ දක්ෂතම තුන් ඉරියව් නිලධාරියා ලෙස අම්පාර ගුවන් හමුදා කඳවුරේ ෆ්ලයිට් ලෙෆ්ටිනන්ට් සී ආර් කොඩිතුවක්කු විසින් දිනා ගන්නා ලදී.

මෙම අවස්ථාවට ගුවන් හමුදා වෙඩි තැබීමේ සංචිත සභාපති එයාර් කොමදෝරු රුවන් චන්දිම, ගුවන් හමුදා අම්පාර කදවුරේ අණදෙන නිළධාරී ගෲප් කැප්ටන් ලලිත් සුගත්දාස, ගුවන් හමුදා වෙඩි තැබීමේ සංචිත ලේකම්, නිළධාරීන් සහ සෙසු නිලයින් සහභාගී විය.