අංක 01 මූලික ප්‍රහාරක නියාමක පාඨමාලාවේ සමාප්ති උත්සවය 2024 අගෝස්තු 06 වන දින ශ්‍රී ලංකා ගුවන් හමුදා මීරිගම ගුවන් හමුදා කඳවුරේ ගුවන් ආරක්ෂක අණ සහ පාලන මධ්‍යස්ථානයේදී පැවැත්විණි. මෙම අවස්ථාවට ප්‍රධාන ආරාධිත අමුත්තා ලෙස  ගුවන් මෙහෙයුම් අධ්‍යක්ෂ ජනරාල් එයාර් වයිස් මාර්ෂල් ලසිත සුමනවීර මහතා සහභාගී වූ අතර ගුවන් ගමනාගමන සේවා අධ්‍යක්ෂක, එයාර් කොමදෝරු පී.සී දිසානායක සහ ගුවන් ආරක්ෂක අධ්‍යක්ෂක ගෲප් කැප්ටන් වී.එස්.ජයකොඩි ඇතුළු කීර්තිමත් නිලධාරීන් ද එක්ව සිටියහ.

2024 අප්‍රේල් 24 සිට අගෝස්තු 06 දක්වා පවත්වන ලද සති 16 ක පාඨමාලාව සදහා නිලධාරීන් හතර දෙනෙකු සහභාගී විය.න්‍යායාත්මක හා ප්‍රායෝගික පුහුණුව, ප්‍රායෝගික සහ අනුකරණය කිරීම් සහ පාඨමාලා චාරිකා පාඨමාලාව පුරා ඇතුලත් විය.

සෑම අතින්ම දක්ෂතම නිලධාරියා ලෙස ෆ්ලයිට් ලෙෆ්ටිනන්ට් එන්ටී වාසල තිලක සම්මානයෙන් පිදුම් ලැබීය.

ගුවන් හමුදාපතිතුමාගේ අනුමැතිය මත හා අධ්‍යක්ෂ ජනරාල් ගුවන් මෙහෙයුම් සහ ගුවන් ගමනාගමන සේවා අධ්‍යක්ෂක නිළධාරීතුමන්ලාගේ මගපෙන්වීම යටතේ පවත්වනු ලැබූ පාඨමාලාව ගුවන් ආරක්‍ෂාව පිළිබඳ මූලික න්‍යාය සහ ප්‍රායෝගික දැනුම ලබා දීම සඳහා මූලික ප්‍රහාරක නියාමක පාඨමාලාව ශ්‍රී ලංකාවේ ප්‍රථම වරට පවත්වන ලද අතර විෂයයන් සහ අත්‍යවශ්‍ය කුසලතා වර්ධනය කිරීම, පුහුණු නිලධාරීන්ට, ප්‍රහාරක පාලකවරුන් (FC) ලෙස රාජකාරි කිරීමට හැකි වන පරිදි නිලධාරීන් නියමිත වේලාවට යෙදවීම සහතික කිරීම, FC පුහුණුව මත බාහිර විශ්වාසය ඉවත් කිරීම සහ ජාතික ගුවන් ආරක්ෂක පද්ධතියේ (NADS) තිරසාරභාවය වැඩි දියුණු කිරීම කෙරෙහි විශේෂ අවධානයක් යොමුකරන ලදී.