අංක 76 කනිෂ්ඨ අණ හා මාණ්ඩලික පාඨමාලාවේ උපාධි ප්‍රදානෝත්සවය 2024 අගෝස්තු 12 වන දින ශ්‍රී ලංකා ගුවන් හමුදා චීන වරාය විද්‍යාපීඨයේ කනිෂ්ඨ අණ හා මාණ්ඩලික විද්‍යාල ශ්‍රවණාගාරයේදී පැවැත්විණි. අධ්‍යක්ෂ ජනරාල් පුහුණු, එයාර් වයිස් මාර්ෂල් ටී.අයි. ප්‍රනාන්දු නිළධාරිතුමන් ප්‍රධාන ආරාධිත අමුත්තා ලෙස මෙම අවස්ථාවට සහභාගි විය.

ශ්‍රී ලංකා ගුවන් හමුදාවේ නිලධාරීන් 27 දෙනෙකු සහ ශ්‍රී ලංකා නාවික හමුදාවේ එක් නිලධාරියෙකු සහභාගී වූ උපාධි ප්‍රදානෝත්සවය සති 14ක් පුරා පැවති පාඨමාලාවේ අවසානය සනිටුහන් කළේය. ඒ අතරින් පාඨමාලාවේ සෑම අතින්ම දක්ෂතම නිලධාරියාට හිමි සම්මානය ෆ්ලයිට් ලෙෆ්ටිනන්ට් ආර්.ටී.වීරවර්ධන විසින් හිමිකර ගන්නා ලද අතර අවශ්‍ය නිර්ණායක සපුරාලන නිලධාරීන්ට ආරක්ෂක කළමනාකරණය පිළිබඳ උපාධි ඩිප්ලෝමාව හැදැරීම සදහා ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයට අනුයුක්ත කෙරේ.

අංක 76 කනිෂ්ඨ අණ සහ මාණ්ඩලික පාඨමාලාවේ සම්මානලාභීන්

සෑම අතින්ම දක්ෂතම නිලධාරියා
ෆ්ලයිට් ලෙෆ්ටිනන්ට් ආර්ටී වීරවර්ධන

ශාස්ත්‍රීය අංශයේ හොඳම නිලධාරීයා
ෆ්ලයිට් ලෙෆ්ටිනන්ට් ආර්ටී වීරවර්ධන

හොඳම පොත් සමාලෝචනය
ස්කොඩ්‍රන් ලීඩර් වයි.කේ.කේ.එස් බණ්ඩාර

හොඳම මහජන කථිකයා
ස්කොඩ්‍රන් ලීඩර් එම්.පී.ජී.ඩී.ඩී විජේරත්න

හොඳම ක්‍රීඩකයා
ෆ්ලයිට් ලෙෆ්ටිනන්ට් ඩබ්ලිව් එල් පී බණ්ඩාර

කළමනාකරණ අධ්‍යයනයේ දක්ෂතම නිළධාරියා
ෆ්ලයිට් ලෙෆ්ටිනන්ට් ඩබ්ලිව්.ඒ.එල්.ඒ වීරසිංහ

ගුවන් සහය අධ්‍යයනයේ දක්ෂතම නිළධාරියා
ගුවන් ලුතිනන් වයි.එම්.ඩී.එන් බණ්ඩාර

සෑම අතින්ම දක්ෂතම ගුවන් හමුදා නොවන නිලධාරියා
ලුතිනන් සීඊ රණසිංහ (ශ්‍රී ලංකා නාවික හමුදාව)