ශ්‍රී ලංකාවේ හොඳම වෙබ් අඩවි ඇගයීම සඳහා LK වසම් රෙජිස්ට්‍රිය විසින් සංවිධානය කරන ලද 'හොඳම වෙබ් තරඟය 2024' හි ශ්‍රී ලංකා ගුවන් හමුදාවේ නිල වෙබ් අඩවිය (www.airforce.lk)  රාජ්‍ය කාණ්ඩයේ 'රිදී සම්මානයෙන්' පිදුම් ලැබීය.

2024 අගෝස්තු 14 වන දින කොළඹ සිනමන් ග්‍රෑන්ඩ් හෝටලයේදී පැවති මෙම සම්මාන ප්‍රදානෝත්සවයේදී ශ්‍රී ලංකා ගුවන් හමුදාව නියෝජනය කරමින් පංච පුද්ගල කණ්ඩායමක් තොරතුරු තාක්ෂණ අධ්‍යක්ෂ එයාර් කොමදෝරු අසිත හෙට්ටිආරච්චි මහතා විසින් මෙහෙයවන ලදී.

2024 අගෝස්තු 15 තොරතුරු තාක්ෂණ අධ්‍යක්ෂ එයාර් කොමදෝරු අසිත හෙට්ටිආරච්චි මහතා සහ මාධ්‍ය අධ්‍යක්ෂ ගෲප් කැප්ටන් එරන්ද ගීගනගේ මහතා ඇතුළු කණ්ඩායම විසින් ගුවන් හමුදාධිපති එයාර් මාර්ෂල් උදේනි රාජපක්ෂ මහතා වෙත නිල වශයෙන් සම්මාන ප්‍රදානය කරන ලදී.