අංක 01 නිළධාරීන්ගේ ගුවන් ආරක්ෂණ පාඨමාලාව  2024 සැප්තැම්බර් 03 ශ්‍රී ලංකා ගුවන් හමුදා රත්මලාන කඳවුරු ගුවන් හමුදා කෞතුකාගාර ශ්‍රවණාගාරයේදී සාර්ථකව අවසන් කරන ලදී. සමාරම්භක උත්සවය අමතමින්  පියාසැරි ආරක්‍ෂාව පිලිබද අධ්‍යක්‍ෂක එයාර් කොමඩෝර් ඒ.වී. ජයසේකර, පාඨමාලාවේ අරමුණ සහ එහි අපේක්ෂාවන් පාඨමාලා සහභාගිවන්නන්ට අවධාරණය කළේය.

ශ්‍රී ලංකා ගුවන් හමුදාවේ ගුවන් මෙහෙයුම් වල සෘජුව සහ වක්‍රව නියැලෙන නිලධාරීන් අතර පියාසර ආරක්ෂාව පිළිබඳ දැනුවත් කිරීම සඳහා ගුවන් හමුදා ගුවන් ආරක්ෂක පරීක්ෂක කාර්යාලය විසින් ගුවන් ගමන් ආරක්ෂණ පාඨමාලාව සංවිධානය කරන ලදී. සාමාන්‍ය රාජකාරි නියමු, ගුවන් යානා සහ සාමාන්‍ය ඉංජිනේරු, මෙහෙයුම් ගුවන්, ඉලෙක්ට්‍රොනික ඉංජිනේරු, සැපයුම්, රෙජිමේන්තු, වෛද්‍ය, සිවිල් ඉංජිනේරු සහ පරිපාලන ශාඛා වලින් සමන්විත නිලධාරීන් 12 දෙනෙකු මෙම පාඨමාලාව සඳහා සහභාගී වූ අතර, එය මාසයක කාලයක් පුරා පවත්වන ලදී.

සමාප්ති උත්සවය අතරතුර ප්‍රධාන ගුවන් ගමන් ආරක්ෂක පරීක්ෂක (පියාසර) ගෲප් කැප්ටන් ජේ.එස්.සමරසේකර මහතා විසින් සහතිකපත් ප්‍රදානය කරන ලදී.