ශ්‍රී ලංකා ගුවන් හමුදා විශේෂ ගුවන් විහිදුම් බළකාය සිය භට පිරිස් සඳහා අංක 01 නාගරික සටන් මෙහෙයුම් පිළිබඳ පුහුණු පාඨමාලාවක් 2024 ජුනි 25 වන දින සිට 2024 සැප්තැම්බර් 02 වන දින දක්වා ගුවන් හමුදා අම්පාර රෙජිමේන්තු පුහුණු කදවුරේදී සාර්ථකව පවත්වන ලදි. විශේෂ ගුවන් විහිදුම් බළකායේ අණදෙන නිළධාරී විංග් කමාන්ඩර් නිරෝෂන් රිටිගල නිළධාරීතුමන්ගේ අධීක්‍ෂණය යටතේ සහ ගොඩබිම් මෙහෙයුම් අධ්‍යක්ෂ ජනරාල් එයාර් වයිස් මාර්ෂල් චමින්ද වික්‍රමරත්න නිළධාරීතුමන්ගේ මගපෙන්වීම යටතේ පාඨමාලාව පැවැත්විණි.

පුහුණුවේ මූලික පරමාර්ථය වූයේ අනාගත නාගරික සටන් අවස්ථා සඳහා ගුවන් බලය ඒකාබද්ධ කිරීම කෙරෙහි අවධානය යොමු කරමින් නාගරික සටන් මෙහෙයුම් සඳහා ගුවන් හමුදා විශේෂ ගුවන් විහිදුම් බළකායේ සාමාජිකයින් සදහා පුහුණුව ලබා දීමයි.  පාඨමාලාව අතරතුර, පුහුණුවන්නන් විවිධ නාගරික ප්‍රදේශයන් සහ තත්වයන් තුළ හෙලි-රැප්ලිං සහ සටන් ඇතුළු උසස් නාගරික සටන් ක්‍රම ඉගෙන ගන්නා ලදි.

අම්පාර ගුවන් හමුදා රෙජිමේන්තු පුහුණු කදවුරේ පවත්වන ලද  මෙම පාඨමාලාව වැඩකරන දින 50ක කාලයක් පුරා පැවති අතර, අභ්‍යාසලාභීන් 16 දෙනෙකු පාඨමාලාව සාර්ථකව නිම කරන ලදි.

සමාප්ති උත්සවයේ ප්‍රධාන ආරාධිත අමුත්තා ලෙස අම්පාර ගුවන් හමුදා රෙජිමේන්තු පුහුණු කදවුරේ අණදෙන නිලධාරී ගෲප් කැප්ටන් ලලිත් සුගතදාස නිළධාරීතුමන් සහභාගී විය.