පැසිෆික් ගුවන් හමුදාවේ උපාය මාර්ග, සැලසුම්, වැඩසටහන් සහ අවශ්‍යතා අධ්‍යක්ෂ, බ්‍රිගේඩියර් ජෙනරාල් බ්‍රයන් එස්. ලයිඩ්ලෝ, සමග ආරක්ෂක දූත පිරිසක් ගුවන් හමුදා මූලස්ථානයේ දී ගුවන් හමුදාපති එයාර් මාර්ෂල් උදේනි රාජපක්ෂ මහතා හමුවිය.

7 වන වාර්ෂික පැසිෆික් ගුවන් හමුදා ගුවන් භටයින් සහ ශ්‍රී ලංකා ගුවන් හමුදා ගුවන් භටයින් සමග වූ සාකච්ඡා පැවැත්වූ අතර, ගුවන් හමුදා දෙක අතර පුහුණු අවස්ථා වැඩිදියුණු කිරීම සහ ආරක්ෂක සබඳතා ශක්තිමත් කිරීම පිළිබඳව පුළුල් උපාය මාර්ගික සාකච්ඡා සදහා අවධානය යොමු කරන ලදී. මෙම නිලධාරින් පිරිසට නියෝජ්‍ය අණදෙන නිලධාරී, 120 වැනි එයාර් ලිෆ්ට් වින්ග්, මොන්ටානා එයාර් ජාතික ආරක්ෂක බළකාය, කර්නල් මොරීන් මාෆීස් සහ ශ්‍රී ලංකා අධ්‍යක්ෂ, PACAF, Captian Balys Gintautas ඇතුළත් වූ අතර, ආරක්ෂක අනුයුක්ත එක්සත් ජනපද තානාපති කාර්යාලයේ ලුතිනන් කර්නල් ඇන්තනි නෙල්සන් ද එක්ව සිටියහ.

සුහද සාකච්ඡාවෙන් අනතුරුව ගුවන් හමුදාධිපතිතුමන් සහ පැමිණි සිටි ප්‍රභූන් අතර එම අවස්ථාව සිහිපත් කිරීම සඳහා සමරු තිළිණ හුවමාරුවක් ද සිදු විය.