ශ්‍රී ලංකා ගුවන් හමුදා පිරිමි සහ කාන්තා පැසිපන්දු කණ්ඩායම් 2024 සැප්තැම්බර් 26 සිට 30 දක්වා මාලදිවයිනේ පැවති සුපිරි කුසලාන 2024 තරඟාවලියේදී විශිෂ්ට දස්කම් දැක්වීමට සමත් විය.

ශ්‍රී ලංකා ගුවන් හමුදා කාන්තා පැසිපන්දු කණ්ඩායම අභියෝගාත්මක ආරම්භයකට මුහුණ දුන් අතර, ඔවුන්ගේ ආරම්භක තරගයේදී ක්වීන්ස් කණ්ඩායම හමුවේ 50-56ක් ලෙස පරාජයට පත් විය.පසුව එලයිට් කණ්ඩායමට එරෙහිව ලකුණු 73-41ක් ලෙස තීරණාත්මක ජයග්‍රහණයක් අත්කර ගනිමින් කැපී දස්කම් දැක්වීමට සමත් වූ අතර අවසන් තරගයේදී, ක්වීන්ස් කණ්ඩායම සමඟ තියුණු සටනකට මුහුණ දී 74-72 ක තියුණු ජයග්‍රහණයක් ලබා ගනිමින් ශූරතාව හිමි කරගන්නා ලදී.

පිරිමි අංශයෙන්, ග්වන් හමුදා පිරිමි පැසිපන්දු කණ්ඩායම තරඟාවලිය පුරාවටම විශිෂ්ට දස්කම් දැක්වු අතර ආරම්භක තරගයේදී කිංග්ස් බිසී කන්ඩායමට එරෙහිව ලකුණු 115-99 ක ප්‍රබල ජයග්‍රහණයක් ලබා ගත් අතර පසුව රෙඩ්වින්ග්ස් කන්ඩායමට එරෙහිව 101-96 සහ ටි-රෙක්ස් බිසි කන්ඩායමට එරෙහිව 94-72 ලකුණු ලබාගනිමන් ජයග්‍රහණ ලබා ගත්හ. අවසන් තරගයේදී ඔවුන් රෙඩ්වින්ග්ස් සමග නැවත වරක් තරග වැදුණු අතර එහිදී ලකුණු 77-71 ක ජයක් ලබා ගනිමින් ශූරතාව දිනා ගැනීමට සමත් විය.