2024 ඔක්තෝම්බර් 08 සිට 10 දක්වා පැරෂුට් වල තීරනාත්මක ආරක්ෂක අංග පිළිබදව දින තුනක වැඩමුළුවක් අම්පාර ශ්‍රී ලංකා ගුවන් හමුදා රෙජිමේන්තු පුහුණු මධ්‍යස්ථානයේ පැරෂුට් පුහුණු පාසලේදී පැවැත්විණි.

ප්‍රමුඛ පෙළේ AAD නිෂ්පාදකයෙකු (CYPRES) වෙතින් ඉහළ සුදුසුකම් ලත් විශේෂඥයෙකු (Tandem Instructor, AFF උපදේශක, ජර්මනියේ සක්‍රීය ගොඩනැගීමේ කණ්ඩායම් සාමාජික)  ඇන්ඩ්ඩ්‍රො කවුලින් ( Andrew Couling) පැරෂුට් භටයින් සමඟ ඔහුගේ පුළුල් දැනුම සහ අත්දැකීම් බෙදාහදා ගනිමින් සැසිය පවත්වන ලදී. මෙම පුහුණු සැසිය සඳහා ශ්‍රී ලංකා ගුවන් හමුදාව, යුධ හමුදාව, නාවික හමුදාව සහ විශේෂ කාර්ය බළකායේ (STF) සේවා නිලධාරීන් 50 දෙනෙකු සහභාගී විය.

මෙහෙයුම් යාන්ත්‍ර විද්‍යාව, ස්ථාපන සහ නඩත්තු ක්‍රියා පටිපාටි සහ පරිශීලක මාර්ගෝපදේශ ආවරණය වන පරිදි පැනීමේදී ආරක්ෂාව සහතික කිරීම සඳහා AAD හි තීරණාත්මක කාර්යභාරය මෙම වැඩමුළුව මගින් අවධාරණය කරන ලදී. AAD වල ප්‍රායෝගික යෙදුම් නිදර්ශනය කිරීම සඳහා සැබෑ ජීවිතයේ අවස්ථා පිළිබඳ සාකච්ඡාවකින් සැසිය අවසන් විය.