'Techno 2024' ජාතික ඉංජිනේරු සහ තාක්ෂණ ප්‍රදර්ශනයේ දෙවන දිනය 2024 ඔක්තෝබර් 12 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී (BMICH) ගුවන් හමුදාධිපති එයාර් මාර්ෂල් උදේනි රාජපක්ෂ මහතාගේ ප්‍රධානත්වයෙන් ආරම්භ විය. ප්‍රධාන ආරාධිතයා වන ගුවන් හමුදාධිපති ගුවන් නියමුවෙකු මෙන්ම සුදුසුකම් ලත් ඉංජිනේරුවෙකු වේ.

ශ්‍රී ලංකා ඉංජිනේරු ආයතනය (IESL) විසින් වාර්ෂිකව සංවිධානය කරනු ලබන ‘Techno 2024’ ප්‍රදර්ශනය 2024 ඔක්තෝබර් 11 දින ආරම්භ කරන ලදී. මෙම  උත්සවය නවෝත්පාදකයින්ගේ මීළඟ පරම්පරාව දිරිගැන්වීමට සහ ඒ සදහා යොමු කිරීමට වැදගත් වේදිකාවකි. ‘ඉංජිනේරුකරණය සෞභාග්‍යයේ මාවත’ යන තේමාවෙන් යුත් මෙම ප්‍රදර්ශනය සංවාදය දිරිමත් කිරීම, දැනුම හුවමාරු කර ගැනීම සහ ඉංජිනේරු සහ තාක්ෂණ ක්ෂේත්‍රයේ සහයෝගීතාව වැඩි දියුණු කිරීම අරමුණු කරයි.

දෙවන දින සමාරම්භක උත්සවයට IESL සභාපති, ත්‍රිවිධ හමුදා ඉංජිනේරුවන් සහ අනෙකුත් නිලධාරීන් සහභාගී විය. ‘Techno 2024’ නවීනතම ඉංජිනේරු නවෝත්පාදනයන් ප්‍රදර්ශනය කරනවා පමණක් නොව, රටේ අනාගත සංවර්ධනය සඳහා තාක්‍ෂණික දියුණුව සඳහා එක්ව ක්‍රියා කරන කර්මාන්ත වෘත්තිකයන්, විද්වතුන් සහ ඉංජිනේරුවන් අතර සහයෝගීතාව වැඩි දියුණු කිරීම සඳහා වූ සංසදයකි.