ගුවන් හමුදා වවුනියාව ගුවන් හමුදා කඳවුරු අණදෙන නිළධාරී එයාර් කොමඩෝර් නිපුන තනිප්පුලිආරච්චි ගේ මගපෙන්වීම යටතේ සියලුම නිලධාරීන්, සෙසු නිලයින් සහ සිවිල් කාර්ය මණ්ඩලය එක්ව විනෝදාත්මක කටයුතු සහ ආගමික කටයුතු ඇතුලත් ප්‍රජා සේවා ව්‍යාපෘති මාලාවක් සමගින් 46 වන සංවත්සරය 2024 ඔක්තෝම්බර් 27 වන දින සමරන ලදී.

කඳවුරු අණදෙන නිළධාරී විසින් සමාලෝචනය කරන ලද චාරිත්‍රානුකූල වැඩ පෙළපාලියකින් දවසේ කටයුතු ආරම්භ විය. අනතුරුව, සංවත්සරය නිමිත්තෙන් කඳවුරු පරිශ්‍රය තුළ රුක් රෝපණ වැඩසටහනක් පැවැත්විණි. කඳවුරු ක්‍රීඩාංගනයේ දී සියලුම සේවා නිලධාරීන් සහ සිවිල් කාර්ය මණ්ඩලය සමග එක්ව සුහද ක්‍රිකට් තරඟාවලියක් සහ අනතුරුව සියලු නිලයන් සඳහා දිවා භෝජන සංග්‍රහයක් නවත්වන ලදී.

සංවත්සර උත්සවයට සමගාමීව දෙදින ශ්‍රමදාන වැඩසටහනක් මඩුකන්ද විහාරස්ථානයේදී පැවැත්විණි. මීට අමතරව, 2024 ඔක්තෝබර් 29 වවුනියාව දිස්ත්‍රික් මූලික රෝහල් පරිශ්‍රයේදී ලේ දන්දීමේ වැඩසටහනක් පවත්වන ලද අතර 2024 නොවැම්බර් 05 වන දින කඳවුරට සහ එහි කාර්ය මණ්ඩලයට ආශිර්වාද කිරීම සඳහා මහා සංඝරත්නය සඳහා දානමය පිංකමක්  පවත්වන ලදි.