ශ්‍රී ලංකාවේ ආරම්භක ප්‍රිමියර්  ලීග් හොකී තරඟාවලියේදී 2024 නොවැම්බර් 05 වන දින පැවති පළමු සුදුසුකම් ලැබීමේ තරඟයෙන් පොලිස් ක්‍රීඩා සමාජයට එරෙහිව ගෝල 5-2 ක ජයක් ලබා ගනිමින් ගුවන් හමුදා පිරිමි හොකී කණ්ඩායම අවසන් මහා තරඟයට සුදුසුකම් ලබා ඇත.

Next Gen Hockey Development Society විසින් සංවිධානය කරන ලද ආරම්භක ප්‍රිමියර් ලීග් හොකී තරගාවලිය ශ්‍රී ලංකා හොකී ක්‍රීඩාවට නව තරඟකාරී රාමුවක් හඳුන්වා දෙන අතර රවුන්ඩ් රොබින් ලීග් ආකෘතියකින් සමන්විත වේ. මෙම තරඟාවලියට රට පුරා සිටින ප්‍රමුඛ කණ්ඩායම් අටක් ඇතුළත් වන අතර ත්‍රිවිධ හමුදා සහ පොලිස් කණ්ඩායම්ද සහභාගී වේ.

ශ්‍රී ලංකා ගුවන් හමුදා පිරිමි කණ්ඩායම තරගාවලිය පුරා ස්ථාවර දස්කම් දැක්වීමට සමත් වූ අතර, පොලිස් ක්‍රීඩා සමාජය සමග ජය පරාජයෙන් තොරව මූලික වටයේ දී අපරාජිතව ඉදිරියට පැමිණ ඇත. ඔවුන්ගේ ප්‍රබල වාර්තාව ඔවුන් ප්‍රසාද ලකුණු සටහනේ ඉහළින්ම තැබීමට සමත් විය.

ශ්‍රී ලංකා ගුවන් හමුදා පිරිමි හොකී කණ්ඩායම 2024 නොවැම්බර් 09 වන දින කොළඹ Astro Turf හිදී අවසන් තරඟය සඳහා සූදානම් වන අතර එහිදී ඔවුන් දෙවන සුදුසුකම් ලැබීමේ තරඟයේ ජයග්‍රාහක කන්ඩායම සමඟ තරඟ කරනු ඇත.