කීර්තිමත් ජාතික ආරක්ෂක විද්‍යාලයේ (NDC) පාඨමාලා අංක 03 හි උපාධි ප්‍රදානෝත්සවය 2024 නොවැම්බර් 18 වන දින ජාතික ආරක්ෂක විද්‍යාල පරිශ්‍රයේදී පැවැත්විණි. ආරක්‍ෂක අමාත්‍යාංශයේ ලේකම් එයාර් වයිස් මාර්ෂල් සම්පත් තුයකොන්ත (විශ්‍රාමික) ප්‍රධාන ආරාධිත අමුත්තා ලෙස මෙම අවස්ථාවට සහභාගි විය. ජාතික ආරක්ෂක විද්‍යාලයේ සේනාවිධායක මේජර් ජෙනරාල් සුජීව සෙනරත් යාපා (විශ්‍රාමික) විසින් ප්‍රධාන ආරාධිත අමුත්තා පිළිගන්නා ලදී.

පාඨමාලා අංක 03 2024 ජනවාරි 16 වන දින ආරම්භ කරන ලද අතර, ශ්‍රී ලංකා යුද හමුදාවේ නිලධාරීන් 16 දෙනෙකු, ශ්‍රී ලංකා නාවික හමුදාවේ නිලධාරීන් 8 දෙනෙකු, ශ්‍රී ලංකා ගුවන් හමුදාවේ නිලධාරීන් 6 දෙනෙකු, ශ්‍රී ලංකා පොලිසියේ නිලධාරීන් තිදෙනෙකු සහ විදේශ රටවල නිලධාරීන් 8 දෙනෙකුගෙන් සමන්විත මුළු නිලධාරීන් 41 දෙනෙකුගෙන් සමන්විත විය. සුදුසුකම් සහිත වසරක පාඨමාලාව සාර්ථකව නිම කිරීමෙන් පසු සුදුසුකම් ලබා ඇති සියලුම උපාධිධාරීන් සඳහා සම්මාන ප්‍රදානය කරන ලදී.

මෙම අවස්ථාවට ගුවන් හමුදාපති එයාර් මාර්ෂල් උදේනි රාජපක්ෂ, ආරක්‍ෂක මාණ්ඩලික ප්‍රධානී, යුධ හා නාවික හමුදාපතිවරුන්, වැඩබලන පොලිස්පති,  ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ උපකුලපති,  ජාතික ආරක්ෂක විද්‍යාලයේ කළමනාකරණ මණ්ඩලයේ සාමාජිකයින්, විද්‍යාපීඨ සාමාජිකයින්, ත්‍රිවිධ හමුදාවේ ජ්‍යෙෂ්ඨ නිලධාරීන් උත්සවයට සහභාගී වූහ.