ශ්‍රී ලංකා ගුවන් හමුදා හිඟුරක්ගොඩ කඳවුරේ අංක 9 ප්‍රහාරක හෙලිකොප්ටර් බලඝණය 2024 නොවැම්බර් 24 දින සිය 29 වන සංවත්සරය සමරන ලදී. චාරිත්‍රානුකූලව සැමරුම අණදෙන නිළධාරී ගෲප් කැප්ටන් පී.එස්. ලියනාරච්චි නිලධාරිතුමන් විසින් සිදු කරන ලදී. බලඝණ පරිශ්‍රයේ පැවැත්වෙන වැඩ පෙළපාලියකින් සමන්විත වූ අතර ඉන් අනතුරුව බලඝණයේ නිලධාරීන් සහ සෙසු නිලයින් ඇමතීම ද සිදු කෙරේ. අණදෙන නිළධාරීතුමා සිය කතාව අතරතුරදී මියගිය සියලුම විරුවන්ට, ආබාධිත බලඝණ නිලධාරීන්ට, ක්‍රියාන්විතයේදී අතුරුදහන් වූවන්ට (MIA) සහ ඔවුන්ගේ ආදරණීය පවුල්වලට ඔවුන් සියලු දෙනාම ජාතිය වෙනුවෙන් කළ උපරිම කැපකිරීම් වෙනුවෙන් හෘදයාංගම කෘතඥතාව පළ කළේය.

සංවත්සර පෙළපාලියෙන් අනතුරුව මියගිය රණවිරුවන් සිහිකිරීම සඳහා පුෂ්පෝපහාර දැක්වීමේ උත්සවයක් මියගිය විරු ස්මාරකය අසලදී පැවැත්විණි. සංවත්සරයට සමගාමීව කුමාරගම අනුර විද්‍යාලයේ බලඝණ නිලධාරීන් විසින් ප්‍රජා සත්කාරක ව්‍යාපෘතියක් ද සිදු කරන ලදී. නිලධාරීන් සහ සිවිල් කාර්ය මණ්ඩලයේ සහභාගීත්වයෙන් ක්‍රීඩා උළෙලක් සංවිධානය කරන ලදී.

ශ්‍රී ලංකා  ගුවන් හමුදා හිඟුරක්ගොඩ කඳවුරු අණදෙන නිළධාරී එයාර් කොමදෝරු දිනේෂ් ජයවීර නිලධාරිතුමන් ප්‍රධාන ආරාධිත අමුත්තා ලෙස මෙම අවස්ථාවට සහභාගී විය.