අම්පාර දිස්ත්‍රික්කයේ ගංවතුරින් විපතට පත් ප්‍රදේශවල පාසල් වෙත විභාග ප්‍රශ්න පත්‍ර ප්‍රවාහනය කිරීමට ශ්‍රී ලංකා ගුවන් හමුදා සහාය
අම්පාර දිස්ත්‍රික්කයේ ආඩාල්ඔය අසල ගංවතුරින් විපතට පත් ප්‍රදේශවල පාසල් වෙත අ.පො.ස උසස් පෙළ විභාග ප්‍රශ්න පත්‍ර බාධාවකින් තොරව ලබා දීම සඳහා ශ්‍රී ලංකා ගුවන් හමුදාව 2024 නොවැම්බර් 26 දින උදෑසන සිය සහය ලබා දෙන ලදී. අධික වර්ෂාපතනයත් සමඟ ආඩාල්ඔය පිටාර ගැලීම හේතුවෙන් වරංකැටගොඩ මහා විද්‍යාලයට, රජගල්තැන්න මහා විද්‍යාලයට සහ ගලපිටගල විද්‍යාලයට විභාග ප්‍රශ්න පත්‍ර ප්‍රවාහනය කිරීමට නොහැකිව දැඩි ගංවතුර තත්ත්වයක් ඇති විය.
මෙම අභියෝගයට ප්‍රතිචාර වශයෙන් සහ ආපදා කළමනාකරණ මධ්‍යස්ථානයේ උපදෙස් අනුව, ලිපි ලේඛන නියමිත වේලාවට ලබා දීම සහතික කිරීම සඳහා ශ්‍රී ලංකා ගුවන් හමුදාව විසින් අම්පාර ශ්‍රී ලංකා ගුවන් හමුදා රෙජිමේන්තු පුහුණු මධ්‍යස්ථානයෙන් බෝට්ටුවක් යොදවන ලදී.
අම්පාර ගුවන් හමුදා රෙජිමේන්තු පුහුණු මධ්‍යස්ථානයේ අණදෙන නිළධාරී ගෲප් කපිතාන් ලලිත් සුගතදාස නිලධාරිතුමන්ගේ මගපෙන්වීම යටතේ බලඝන නායක දිනේෂ් කිවන්දෙණිය නිලධාරිතුමන්ගේ සම්බන්ධීකරණයෙන් මෙම මෙහෙයුම සිදු කරන ලදී. මෙම මෙහෙයුමට තවත් නිලධාරීන් තිදෙනෙකු සහ ගුවන් භටයින් 22 දෙනෙකුගේ සහය ලැබුණු අතර ඔවුන් ගංවතුරෙන් එල්ල වූ ප්‍රවාහන අභියෝග ජය ගැනීම සඳහා වෙහෙස මහන්සි වී වැඩ කළහ.
මෙම අභියෝගයට ප්‍රතිචාර වශයෙන් සහ ආපදා කළමනාකරණ මධ්‍යස්ථානයේ උපදෙස් අනුව, ලිපි ලේඛන නියමිත වේලාවට ලබා දීම සහතික කිරීම සඳහා ශ්‍රී ලංකා ගුවන් හමුදාව විසින් අම්පාර ශ්‍රී ලංකා ගුවන් හමුදා රෙජිමේන්තු පුහුණු මධ්‍යස්ථානයෙන් බෝට්ටුවක් යොදවන ලදී.
අම්පාර ගුවන් හමුදා රෙජිමේන්තු පුහුණු මධ්‍යස්ථානයේ අණදෙන නිළධාරී ගෲප් කපිතාන් ලලිත් සුගතදාස නිලධාරිතුමන්ගේ මගපෙන්වීම යටතේ බලඝන නායක දිනේෂ් කිවන්දෙණිය නිලධාරිතුමන්ගේ සම්බන්ධීකරණයෙන් මෙම මෙහෙයුම සිදු කරන ලදී. මෙම මෙහෙයුමට තවත් නිලධාරීන් තිදෙනෙකු සහ ගුවන් භටයින් 22 දෙනෙකුගේ සහය ලැබුණු අතර ඔවුන් ගංවතුරෙන් එල්ල වූ ප්‍රවාහන අභියෝග ජය ගැනීම සඳහා වෙහෙස මහන්සි වී වැඩ කළහ.
