ශ්‍රී ලංකා ගුවන් හමුදා අම්පාර රෙජිමේන්තු පුහුණු මධ්‍යස්ථානය 2024 නොවැම්බර් 25 දින සිය 35 වන සංවත්සරය අභිමානවත් ලෙස සමරනු ලදී. 2024 නොවැම්බර් 21 වන දින, සංවත්සර උත්සවයට සමගාමීව ලේ පරිත්‍යාග කිරීමේ වැඩසටහනක් පවත්වන ලද අතර, එම පින්කම සඳහා සේවා පුද්ගලයින් දායක විය. මීට අමතරව අම්පාර නගරයේ ශ්‍රමදාන ව්‍යාපාරයක් ද ක්‍රියාත්මක විය.

ක්‍රීඩා පිටියේදී සියලුම සේවා පුද්ගලයින් හා නිලධාරීන්, සිවිල් කාර්ය මණ්ඩල සහ පුහුණුවන්නන්ගේ සහභාගීත්වයෙන් ක්‍රිකට් තරඟාවලියකින් සංවත්සර සැමරුම අවසන් විය.