ශ්‍රී ලංකා ගුවන් හමුදා චීන වරාය විද්‍යාපීඨයේ නව අණදෙන නිලධාරියකු පත් කිරීම 2024 දෙසැම්බර් 19 දින සිදු විය. සාම්ප්‍රදායික භාරදීමේ/භාර ගැනීමේ පෙළපාළිය විද්‍යාපීඨයේ පෙළපාළි චතුරශ්‍ර පරිශ්‍රයේදී සිදු වූ අතර එහිදී වැඩබලන අණදෙන නිලධාරි ගෲප් කපිතාන් ඩීඑල් හේවාවිතාරණ නිලධාරිතුමන් විසින් එයාර් කොමඩෝර් ඩබ්ලිව්.පී.ඒ.එච් පෙරේරා නිලධාරිතුමන් වෙත අණදෙන නිලධාරි තනතුර භාර දෙන ලදී. ගෲප් කපිතාන් ඩීඑල් හේවාවිතාරණ නියෝජ්‍ය අණදෙන නිලධාරියා ලෙස විද්‍යාපීඨයේ රැඳී සිටිනු ඇත.

සාම්ප්‍රදායික භාරදීමේ/භාර ගැනීමේ පෙළපාළිය අවසන් වූ වහාම නව අණදෙන නිලධාරි එයාර් කොමඩෝර් ඩබ්ලිව්පීඒඑච් පෙරේරා සිය ධුරයේ වැඩ භාරගන්නා ලදී. එයාර් කොමඩෝර් ඩබ්ලිව්පීඒඑච් පෙරේරා මහතා මීට පෙර සපුගස්කන්ද ආරක්ෂක සේවා අණ හා මාණ්ඩලික විද්‍යාලයේ ප්‍රධාන උපදේශක තනතුර හෙබවූ අතර පසුව චීන වරාය ගුවන් හමුදා විද්‍යාපීඨයේ අණදෙන නිලධාරී තනතුරට පත්විය.