ශ්‍රී ලංකා ගුවන් හමුදාව ශ්‍රී ලංකා පාන වර්ග සන්නාමයක් වන YETI සමඟ හවුල් වී ඇති අතර එය 2024/25 රග්බි වාරය සඳහා ‘නිල සජලනය සහකරු’ ලෙස ශ්‍රී ලංකා ගුවන් හමුදාව සමඟ අත්වැල් බැදගෙන ඇත. මෙම හවුල්කාරිත්ව ගිවිසුම මගින් YETI සහ ශ්‍රී ලංකා ගුවන් හමුදාව අතර ඒකාබද්ධ කැපවීම වැඩිදියුණු කරනු ලබන්නේ රග්බි ක්‍රීඩකයින්ගේ කුසලතා ඉහළ නැංවීම සහ ශ්‍රී ලංකාවේ ක්‍රීඩාව ශක්තිමත් කිරීමේ පොදු අරමුණ ඇතිවය.

මෙම හවුල්කාරිත්වය විධිමත් කිරීමේ අවබෝධතා ගිවිසුම (MOU) 2024 දෙසැම්බර් 20 දින ශ්‍රී ලංකා ගුවන් හමුදා මූලස්ථානයේදී අත්සන් කරන ලදී. මෙම අවස්ථාවට YETI හි සම-නිර්මාතෘ ආචාර්ය දිල්ෂාන් බාලසූරිය, YETI හි ප්‍රධාන විධායක නිලධාරී මලික් පෙරේරා මහතා, ගුවන් හමුදා රග්බි සභාපති එයාර් කොමඩෝර් සුභාෂ් ජයතිලක මහතා, ගුවන් හමුදා ක්‍රීඩා කවුන්සිලයේ ලේකම් ගෲප් කපිතාන් එරන්ද ගීගනගේ නිලධාරිතුමන් ඇතුඵ අනෙකුත් ගුවන් හමුදා රග්බි  නිලධාරීන් සහභාගී විය.