ගෲප් කපිතාන් ඩී.ජී.පී.එල්. ජයතිලක නිලධාරිතුමන් 2024 දෙසැම්බර් 20 දින දිගන ගුවන් හමුදා ආපදා කළමනාකරණ පුහුණු පාසලේ ආරම්භක නව අණදෙන නිලධාරී ලෙස රාජකාරි භාර ගත්තේය. මෙය දිගන ගුවන් හමුදා කඳවුර අණදෙන නිලධාරියෙකුගේ නායකත්වය යටතේ ආපදා කළමනාකරණ පුහුණු පාසලක් බවට පරිවර්තනය වීම සනිටුහන් කරයි.

ආගමික වතාවත් සහ රුක් රෝපණ වැඩසටහනකින් පසුව භට පිරිස් ඇමතීමෙන් කටයුතු ආරම්භ විය. විධිමත් ලෙස වගකීම් භාරදීම මුලතිව් ගුවන් හමුදා ආපදා කළමනාකරණ පුහුණු මධ්‍යස්ථානයේ හිටපු අණදෙන නිලධාරී වින්ග් කමාන්ඩර් ඒ.පී.යූ.ආර්. ධර්මසිරි නිලධාරිතුමන් විසින් ගෲප් කපිතාන් ජයතිලක නිලධාරිතුමන් වෙත රාජකාරි කටයුතු භාරදෙන ලදී.

දිගන ගුවන් හමුදා කඳවුරට අණදෙන නිලධාරියෙකු පත් කිරීම මගින් අංගසම්පූර්ණ ආපදා කළමනාකරණ පුහුණු පාසලක් බවට පත්කර ඇත.

නව අණදෙන නිලධාරී, ගෲප් කපිතාන් ඩී.ජී.පී.එල්. ජයතිලක නිලධාරිතුමන් දිගන ගුවන් හමුදා ආපදා කළමනාකරණ පුහුණු පාසලේ අණදෙන නිලධාරී ලෙස පත් කිරීමට පෙර ඉරණමඩු ගුවන් හමුදා කඳවුරේ අණදෙන නිලධාරී තනතුර දැරීය.