ගුවන් හමුදාධිපති එයාර් මාර්ෂල් බන්දු එදිරිසිංහ මහතා 2025 පෙබරවාරි 06 දින ජනාධිපති ලේකම් කාර්යාලයේදී ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති සහ සන්නද්ධ හමුදා සේනාධිනායක අතිගරු අනුර කුමාර දිසානායක මහතා හමුවිය.

මෙම සංචාරය ශ්‍රී ලංකා ගුවන් හමුදාවේ 20 වන හමුදාපතිවරයා ලෙස වැඩ භාර ගැනීමෙන් පසු ජනාධිපතිතුමා සමඟ පැවති පළමු නිල හමුව සනිටුහන් කරයි. ඉන් අනතුරුව පැවති සුහද සාකච්ඡාවේදී, ගුවන් හමුදාපතිවරයා ලෙස නව පත්වීම පිළිබඳව ජනාධිපතිතුමා එයාර් මාර්ෂල් එදිරිසිංහ මහතාට සිය සුබ පැතුම් එක් කළේය.

මෙම ඓතිහාසික අවස්ථාව සනිටුහන් කිරීම සඳහා ගුවන් හමුදාපතිතුමා ජනාධිපතිතුමාට සමරු තිළිණයක් ප්‍රදානය කරන ලදී.