ආගමික වතාවත්වල කොටසක් ලෙස ගුවන් හමුදාපතිවරයා පළමුව කොළඹ ගංගාරාම විහාරස්ථානයට ගිය අතර එහිදී පූජ්‍ය කිරින්දේ අස්සජි හිමියන් හමුවී ආශිර්වාද ලබා ගත්තේය. ඉන්පසු ඔහු කොටහේන ශ්‍රී පොන්නම්බලවනේශ්වරන් ශිවන් කෝවිලට ගිය අතර එහිදී ඔහු හින්දු සම්ප්‍රදායන්ට අනුකූලව යාඥා කළේය.

සිය සංචාර අවසන් කරමින් එයාර් මාර්ෂල් එදිරිසිංහ මහතා දේවටගහ පල්ලියට ගෞරව කළ අතර එහිදී භාරකාර සාමාජිකයින් විසින් ඔහුව පිළිගනු ලැබීය. ඉක්බාල් මවුලවි මහතා ඔහුගේ නායකත්වය සහ ශ්‍රී ලංකා ගුවන් හමුදාව වෙනුවෙන් විශේෂ යාඥා පවත්වන ලදී.

මෙම අවස්ථාවට ගුවන් හමුදා සේවා වනිතා ඒකකයේ සභාපතිනි ක්‍රිෂාන්ති එදිරිසිංහ මහත්මිය රණවිරු සුභසාධක අධ්‍යක්ෂක එයාර් කොමදෝරු බුද්දික පියසිරි මහතා සහ ගුවන් හමුදාවේ ජ්‍යෙෂ්ඨ නියෝජිතයින් රැසක් සහභාගි වූහ.