ශ්‍රී ජයවර්ධනපුර ගුවන් හමුදා කඳවුරේ අලුතින් පිහිටුවන ලද පිරවුම්හල විවෘත කිරීම 2025 පෙබරවාරි 24 දින සැපයුම් අධ්‍යක්ෂ ජෙනරාල් එයාර් වයිස් මාර්ෂල් දීපාල් මුණසිංහ මහතාගේ ප්‍රධානත්වයෙන් සිදුකරන ලදී. ගුවන් හමුදා මූලස්ථානයේ ක්‍රියාත්මක වන සහ පැමිණෙන ගුවන් හමුදා වාහනවල ඉන්ධන අවශ්‍යතා සපුරාලීම සඳහා මෙම පිරවුම්හල  පිහිටුවා ඇති අතර මෙහෙයුම් සහ පරිපාලන කටයුතු සඳහා විශ්වාසදායක ඉන්ධන සැපයුමක් සහතික කරමින් ලංකා පෙට්‍රල් 92 ඔක්ටේන්, ලංකා ඔටෝ ඩීසල් සහ ලංකා සුපර් ඩීසල් ඉන්ධන සැපයීම සිදුකරයි.

සමාරම්භක උත්සවයට ශ්‍රී ජයවර්ධනපුර ගුවන් හමුදා කඳවුරේ අණදෙන නිලධාරී එයාර් කොමඩෝර් මනෝජ් ගල්ලප්පත්ති මහතා සහ සැපයුම් අධ්‍යක්ෂ මණ්ඩලයේ මාණ්ඩලික නිලධාරීන් සහ ශ්‍රී ජයවර්ධනපුර ගුවන් හමුදා කඳවුරේ නිලධාරීන් සහභාගී විය.