"ගුවනේ ආරක්ෂකයින්" ලෙස සිය 74 වන සංවත්සරය සැමරීමට සූදානම් වන ශ්‍රී ලංකා ගුවන් හමුදාව අඛණ්ඩව අටවන වරටත් කැළණිය රජ මහා විහාරයේදී "පිච්ච මල් පූජාව" පවත්වන ලදී. ගුවන් හමුදාපති එයාර් මාර්ෂල් බන්දු එදිරිසිංහ මහතාගේ මගපෙන්වීම යටතේ ශ්‍රී ලංකා ගුවන් හමුදා මූලස්ථානය විසින් සංවිධානය කරන ලද අතර ගුවන් හමුදා නිලධාරීන්ට සහ සමස්ත ගුවන් හමුදාවටම ආශිර්වාද පතා 2025 පෙබරවාරි 27 වන දින සවස පවත්වන ලදී. ගුවන් හමුදා සේවා වනිතා ඒකකයේ සභාපතිනි ක්‍රිෂාන්ති එදිරිසිංහ මහත්මිය ද මෙම අවස්ථාවට සහභාගී වූවාය.

ගුවන් හමුදා කළමනාකරණ මණ්ඩලයේ සාමාජිකයින්, කඳවුරු අණදෙන නිලධාරීන් සහ පක්ෂාංග අණදෙන නිලධාරීන්, ගුවන් හමුදා මූලස්ථානයේ සහ අනෙකුත් ගුවන් හමුදා කඳවුරුවල නිලධාරීන් සහ සෙසු නිලයන් රැසක් මෙම අවස්ථාවට සහභාගී වූහ.