රාජකාරිය භාරදීමේ / භාර ගැනීමේ පෙළපාළිය 2025 මාර්තු 06 වන දින ඒකල ශ්‍රී ලංකා ගුවන් හමුදා වෘත්තීය පුහුණු පාසලේ අංක 2 තොරතුරු තාක්ෂණ අංශයේ දී පැවැත්විය. උත්සවය අතරතුර, වින්ග් කමාන්ඩර් කේඩීසී ක්‍රිෂාන්ත නිලධාරිතුමන් විසින් නික්ම යන අණදෙන නිලධාරී වින්ග් කමාන්ඩර් ජීඩීඅයි සංජීව නිලධාරිතුමන්ගෙන් නිල වශයෙන් අණදෙන නිලධාරියා ලෙස භාරගත් අතර පක්ෂාංගයේ 6 වන අණදෙන නිලධාරියා බවට පත්විය.

මෙම පත්වීමට පෙර වින්ග් කමාන්ඩර් කේඩීසී ක්‍රිෂාන්ත නිලධාරිතුමන් ගුවන් හමුදා මූලස්ථානයේ මාණ්ඩලික නිලධාරී තොරතුරු තාක්ෂණ IV ලෙස සේවය කළේය. නික්ම යන අණදෙන නිලධාරී වින්ග් කමාන්ඩර් ජීඩීඅයි සංජීව ජනාධිපති ලේකම් කාර්යාලයට යන අතර එහිදී ඔහු තොරතුරු හා සන්නිවේදන තාක්ෂණ හා ඩිජිටල්කරණ අධ්‍යක්ෂ ලෙස රාජකාරි භාර ගනු ඇත.