2025 මාර්තු 07 වන දින ගුවන් හමුදා කටුනායක කඳවුරේ අංක 3 විවේක සහ විනෝදාස්වාද අංශයේ නව අණදෙන නිලධාරිවරයකු පත්කරන ලදී.  සාම්ප්‍රදායික භාරදීමේ/භාර ගැනීමේ පෙළපාළිය උත්සව ශාලාවේ දී පවත්වන ලද අතර එහිදී නික්ම යන අණදෙන නිලධාරි ගෲප් කැප්ටන් එච්කේඑච් ඩයස් නිලධාරිතුමන් විසින් ගෲප් කැප්ටන් ඊආර්ඩී ද ඉසෙඩ් අබේසේකර නිලධාරිතුමන් වෙත නව අණදෙන නිලධාරි තනතුර භාර දෙන ලදී.

නික්ම යන අණදෙන නිලධාරි ගෲප් කැප්ටන් එච්කේඑච් ඩයස් ගුවන් හමුදා මූලස්ථානයට ගොස් මාණ්ඩලික ප්‍රධානියාගේ පරිපාලන තනතුරේ රාජකාරි භාර ගනු ඇත.

නව අණදෙන නිලධාරී ගෲප් කැප්ටන් අබේසේකර මහතා මීට පෙර පරිපාලන අධ්‍යක්ෂ මණ්ඩලයේ මාණ්ඩලික නිලධාරී පුද්ගල I ලෙස පත්වීම් ලැබූ අතර, කටුනායක ගුවන් හමුදා කඳවුරේ අංක 3 විවේක සහ විනෝදාස්වාද පක්ෂාංගයේ(L&R) නව අණදෙන නිලධාරී ලෙස පත් කරන ලදී.